افضل العاب كمبيوتر 2018

0

افضل العاب كمبيوتر 2018 – اهلا بيكم فى Season Final من جوال أبس و افضل العاب الحاسب الشخصي في 2018 ، السنة دي كل الالعاب التقيلة كانت حصرية للبلايستيشن 4 زي Spiderman و Red dead Redemption 2 و God OF War و السنة دي PC Gaming Master Race كان بيبكي بدل الدموع زيت التشحيم بتاع الفتيس .

لكن متقلقوش يا جماعة رغم الشعر الميكانيكي اللي كنا بنقوله دلوقتي لكن ان الامل موجود و في العاب حلوة قدرنا اننا نصطادها السنة دي على PC ، اينعم مكنتش مهمة سهلة على الاطلاق ، لكن احنا نعمل اي حاجة هنا فى موقع جوال أبس علشان PC Gamers حبايبنا ، يلا نبدأ القائمة بقى .

10 : لعبة SUBNAUTICA :

افضل العاب كمبيوتر 2018
افضل العاب كمبيوتر 2018

افضل العاب كمبيوتر  2018 اللعبة بتحكي عن واحد وقع بسفينة فضائية على كوكب غريب وسط المحيط و بيحاول ينجو بنفسه و يفهم البيئة الصعبة اللي حواليه ، يعني لعبة Survival تحت المحيط لعبة مخيفة جدا على الاقل بالنسبة لينا بالذات لما بتعوم جنب حيوان ضخم تحت الماية ، لان اللعبة دي الجرافيك فيها حلو جدا .

اللعبة صعبة الي حد كبير لكن Progression فيها ممتع و بيخليك مهتم تستكشف انواع الكائنات اللي فيها بس بتبقى قد ما انت مرعوب قد ما انت مستمتع .

9 : لعبة The Messenger :

افضل العاب كمبيوتر 2018
افضل العاب كمبيوتر 2018

اللعبة دي ماشية بالاستايل القديم بتاع الالعب 2D اللي كانت موجودة على نينتندو القديم بس التحكم بتاعها متطور و واخد النعومة بتاعة Controller الحديثة ، و اللي بيخليها لعبة ممتعة بشكل مش طبيعي .

اللعبة لعبة أكشن بتدور حوالين شخصية نينجا بيحاول ينقذ العالم ، لعبة خفيفة و كوميدية هتلاقي نفسك بتفتحها كل ما تحس بالازمة الوجودية اللي انت عايش فيها .

8 : لعبة Frost Punk :

افضل العاب كمبيوتر 2018
افضل العاب كمبيوتر 2018

اللعبة دي لعبة استراتيجية كئيبة جدا بتحكي عن اخر مدينة للبشر في عالم بيغطيه الجليد من كل اتجاه و اخر امل لنجاة البشر هو محرك شغال بالوقود بيدفي الناس اللي حواليه ، في اللعبة بتحتاج انك تتخذ قرارات انت فى الحقيقة مكنتش هتتخيل انك هتاخدها .

زي عمالة الاطفال و استخدام القمع و الديكتاتورية حاجات اللعبة بتخليك تعملها و انت مقتنع تماما انك بتعملها لصالح البشرية ، فلو عاوز تعرف الحقيقة الصادمة للانسان العب اللعبة دي .

7 : لعبة FARCRY 5 :

السلسلة دي من سلاسل الالعاب اللي مينفعش متتحطش على قائمة افضل الالعاب فى كل سنة ، السنة دي بالذات قدمت امتاع كتير جدا و ساعات طويلة في عالم مفتوح فى منتهى الجمال ، القصة اللي فيه شيقة و الشخصيات اللي فيه مثيرة للاهتمام .

اللعبة المرة دي بتحكي عن المتطرفين الدينين بيسطروا على احد المدن فى امريكا و بيعزلوها عن العالم ، و مهمتك انت و المقاومة الموجودة فى المكان انكم تحرروها من المجموعة المتطرفة جوة عالم طبعاً مفتوح مشابهة للي متعودين عليه في لعبة فار كراي .

6 : لعبة Monster Hunter World :

افضل العاب كمبيوتر 2018
افضل العاب كمبيوتر 2018

اللعبة دي من الالعاب اللي كنا مستنين انها تنزل على البي سي بفارغ الصبر لانها كانت حصريرة للكونسولز و اللي اولاً بيدي ناس كتير اوي امل فى PC Gaming و في نفس الوقت بيقدم واحدة من اجمل العاب G-RPG اللي لعبناها فى العقد الاخير .

من اسم اللعبة واضح جدا انها بتحكي عن ايه انت صياد وحوش بتصطاد طول الوقت زواحف عملاقة تاخد بعد كدة جلدها و سنانها تعمل منها اسلحة و دروع ، الموضوع كله بيرتكز على Combat ممتع جدا و Animation الصراحة في اللعبة دي تخطى الوصف .

5 : لعبة Assassin’s Creed Odyssey  :

الجزء دا من اساسن كريد كان موازي للطفرة اللي حصلت في The Wichter 3 بالذات من ناحية كمية المحتوى و التفاصيل بتاعة Side quests و جمال القصة الرئيسية دا كان فى حد ذاته انتقاد للعبة لانها في وجهة نظر البعض بتبتعد عن الصيغة بتاعة الاساسنز .

و اللي احنا اثبتنا انه انتقاد غير دقيق بالمرة ، لكن الحقيقة ان فى مشاكل تانية خلت اللعبة دي فى المركز الخامس و هي انها بطيئة جداً فى Leveling System بتاعها ، مع ذلك لعبة ممتعة و قصة جميلة و عالم واسع فا عايز ايه تاني يعني .

4 : لعبة ThroneBreaker :

اللعبة الوحيدة السنة دي اللي بتتفوق فى RPG بتاعها على اساسنز كريد و بشكل مكناش نتخيله بصراحة ، اللعبة قصتها بتدور فى نفس العالم بتاع The Witcher بس في Combat Mechanics متحولة للعبة كروت ، و متقلقش من موضوع الكروت دا لو انت مش من كييفة Carding Games لان هنا انت بتحل لغز اكتر من انك بتعلب Card Game .

قصة الملكة ميف و اللي كان بيحصلها فى العالم الغريب دا هو احسن حاجة الصراحة فى اللعبة حبيناها .

3 : لعبة Final Fantasy XV :

اللعبة دي كانت من اروع الالعاب اللي لعبنها على الكونسولز السنة اللي فاتت و كنا مضايقين ان لعبة بالحجم دا و بالامكانيات دي مستفادتش بالامكانيات بتاعة PC .

و لكن الشركة الحمد لله مكدبتش خبر و نزلت اللعبة على PC و حاليا كلكم تقدروا تجربوها و تعيشوا المغامرة الجميلة دي المليئة بإصطياد الوحوش و ركوب السيارات الفارهة و الشباب الروش طحن .

2 : لعبة Into The Breach :

من نفس المطور اللي عمل لعبة  FTL و احدة من ارقى العاب Space Combat اللي احنا لعبناها في حياتنا ، لعبة Into The Breach بتحكي عن اخر معركة للبشر بيفشلوا فيها لصد عدوان فضائي من الحشرات الضخمة .

في محاولة اخيرة لانقاذ البشر بيقفذ مجموعة من الطيارين داخل الات عملاقة خلال ثقب زمني ، لمحاولة تغيير كفة ميزان الحرب لصالح البشر و لو ان Concept بتاع اللعبة كئيب الا ان Mechanics بتاعة اللعبة كانت فى نفس ذكاء لعبة الشطرنج ممتعة يعني ، احنا لعبنا اللعبة دي 20 مرة كل مرة فيهم كانت تجربة مختلفة تماما  .

1 : لعبة Return Of The Obra Dinn :

اللعبة دي كانت طفرة غير متوقعة بجرافيك غريب و عالم مش بيتحرك و System Gameplay محير ، بدأنا ناخد القرار بإننا نتجاهل اللعبة دي لحد ما قرينا اسم المصمم Lucas Pope العبقري اللي عمل لعبة Papers, Please احد افضل العاب الانتاج المستقل فى التاريخ .

اللعبة بتدور حوالين حل لغز كبير اللغز دا هو انك تكتشف هو ايه اللي حصل لركاب سفينة Obra Dinn و الاداة اللي معاك هي ساعة سحرية بتوريك لحظة الموت بتاعة كل شخص و بتسمعك الصوت بتاعة الخمس ثواني اللي قبليها ، اختيارنا للعبة دي فى المركز الاول مش بس اعتراف بالابداع في الفكرة و Game Mechanics و لكن المتعة التي لا تقارن اللي بنحس بيها لما بنحل كل لغز من الالغاز دي .

 

بكدة تكون القائمة بتاعة افضل العاب PC السنة دي انتهت ، نتمنى تكون القائمة عجبتكم لو ليكم رأي تاني نحب نسمعه فى التعليقات تحت ، لو انت جديد هنا اهلا بيك فى عالم جوال أبس ، شكراً للمتابعة و للمزيد عن عالم الالعاب خليكم معانا على جوال أبس .

اترك تعليق

يرجي التسجيل لترك تعليقك

شكرا للتعليق