مراجعة لعبة Bridge constructor portal على الكمبيوتر

مراجعة لعبة Bridge constructor portal
0

مراجعة لعبة Bridge constructor portal – في لعبة جديدة ممتعة جدا و لسة مقدمتش Full Potential بتاعها Bridge constructor portal بتخلط بين عالم الـ engineer Puzzles و العالم بتاع الـ Portals الخليط و لو انه ممتع جدا و اللعبة هيكون ليها عشاق مخلصين الا انها زي ما قولنا مش بتدرك كل ما هو ممكن من العالمين ، خليكم معانا هنا فى جوال أبس علشان تعرف عن اللعبة اكتر .

أسلوب لعب لعبة Bridge constructor portal :

كان في لعبة حلوة Bridge constructor portal بتبني فيها كباري بأقل كمية مواد خام و بتحاول تعدي عليها عدد معين من العربيات من غير ما تتكسر ، طبعا اللعبة بتتبع قواعد البناء بتاع الهندسة المدنية ، و بكدة ناس كتير حتى كمان غير المهندسين يقدروا يستمتعوا بيها ، لان حتى و انت الكوبري اللي انت بتبنيه بيقع فيه متعة بانك بتتفرج على مجهودات ابداعك الرهيب و هي بتنهار .

اللعبة اللي بنتكلم عنها انهاردة بتخلط الفكرة دي بالعالم بتاع الـ Portals ، للي ميعرفش بروتالز بتتكلم عن احد الموظفين في شركة التجارب العلمية الضخمة ، الموظف او الموظفة اللي شغالين فيها بتحاول تهرب من الشركة عن طريق استخدام احدث التكنولوجيات اللي الشركة دي عملتها و هي البورتالز اللي ميعرفش انجليزي Portal يعني بوابة الزمكان او الثقب الدودي اللي بينقلك من مكان لمكان فى نفس اللحظة من غير ما تتحرك .

لعبة Bridge constructor portal
لعبة Bridge constructor portal

اللعبة كانت لعبة الغاز بتستخدم فيها البورتال الاول علشان تنفذ التجارب المطلوبة منك و بعد كدة بستخدمها في الهروب من الذكاء الاصطناعي الدكتاتوري جلادوس ، اللعبة كانت بتتحلى بدرجة كبيرة جدا من الكوميديا السوداء و اللي مصدرها كان جلادوس و اللي خلتها واحدة من اكتر الالعاب المحبوبة على مر التاريخ و في نفس الوقت خلتها من اقوى شخصيات الالعاب الشريرة على الاطلاق جنبا الي جنب مع شخصية Vaas من فار كاراي .

شخصية جلادوس هي عبارة عن تصوير ساخر من شخصية الذكاء الاصطناعي المفروض انه هيموت البشر كلهم فى المستقبل لانه هيحط الهدف بتاعه فوق وجود البشر ، في الحالة دي جلادوس هدفها انها تعمل تجارب على استخدام Portal Gun مهما كانت خطورته على الاشخاص اللي بتستخدمه .

مراجعة لعبة Bridge constructor portal
مراجعة لعبة Bridge constructor portal

و كوديا طول الوقت متعلقة بتجاهل جلادوس المستمر لحياة الاشخاص اللي شغالين فى الشركة ، فى لعبة Bridge constructor المصمم حاول يحافظ على جزء كبير من دا بس للاسف مقدرش يوصل لنفس الدرجة من الكاريزما بس واضح المحاولات بتاعته و الاهم واضح اخلاصه للفكرة بتاعة جلادوس .

الجرافيك و الرسوم فى لعبة Bridge constructor portal :

اللعبة بتستخدم قواعد Bridge constructor  و اللي زي ما قولنا انها مبنية على قواعد الهندسة المدنية بس بتضيف ليها فكرة البورتال و معاها الميكانكس الغريبة الغير ضرورية الموجودة فى ألغاز Portal و بنقول غير ضرورية لانها مش بتعبر عن الواقع و موجودة بس علشان تحطك فى ظروف اصعب و الغاز معقدة اكتر ، مشكلتنا الوحيدة مع Bridge constructor portal انها بتعتمد اعتماد كلي على ال Physics و Timing .

و بتعتمد اقل على الذكاء و التخطيط المحكم يعني ممكن تعدي بعض المراحل بالحظ و بتحتاج وقت طويل علشان تظبط توقيت بتاع كل حاجة من Physics بتاعة اللعبة ، يعني بدل ما انت بتركب قطع لغز مع بعض فانت بتحاول تزق ابعاد التصميم بتاعتك علشان واحدة واحدة تعدي المستوى ، ولو ان دا شئ ايجابي لبعض الناس الا ان احنا شخصياً بنحب ان العاب الالغاز بتاعتنا بتكافئنا على ذكائنا .

الفيديو الترويجي الخاص بلعبة Bridge constructor :

 تقييم لعبة Bridge constructor portal :

لعبة Bridge constructor portal لعبة قوية جداً لمحبي العاب الـ Physics يمكن تستمتع بيها كتير من الناس اللي بتستهوى فكرة الهندسة كوسيلة للترفيه لكن مش قادرة تستمع بيها كلعبة الغاز لانها مش بتكافئ التصميمات الذكية ،  مع ذلك منقدرش ننكر التأثير بتاع حب المصمم لفكرة جلادوس و قد ايه خلط الفكرتين بتاعة Portals و Bridges خلق مساحة جميلة لمستويات امتع بكتير بس فى الاول و فى الاخر اللعبة دي ليها ناسها لازم تجربها علشان اذا كانت ماشية مع دماغك و لا لا ، لان لو انت زينا بتحب العاب الالغاز الذكية و الحلول المعقدة فإحتمال كبير اللعبة دي متدخلش دماغك بس دا احتمال بيطبق على معظم العاب Physics بشكل عام و هي لعبة فيزيكس ممتازة بغض النظر ذوقنا الشخصي و تقييمنا للعبة Bridge constructor portal هو 8.0 من 10 .

شكراً للمتابعة و للمزيد عن عالم الالعاب خليكم معانا فى جوال أبس .

اترك تعليق

يرجي التسجيل لترك تعليقك

شكرا للتعليق