مراجعة لعبة Dark Souls Remastered على الكمبيوتر

مراجعة لعبة Dark Souls Remastered
0

مراجعة لعبة Dark Souls Remastered  بتعود بجزء Remastered على اجهزة Console و الـ PC و بتدعم 60 Frame و 1080p على اجهزة الكونسول العادية و 60 Frame و 4K على اجهزة الكونسول المحسنة سوف نتطرق لان الي تفاصيل اللعبة من جوال أبس .

قصة لعبة Dark Souls Remastered :

مراجعة لعبة Dark Souls Remastered
مراجعة لعبة Dark Souls Remastered

Dark Souls Remastered بتمتاز بأن العالم هو اللي بيحكي قصته و دا بيكون من خلال الناس اللي بتقابلها او Items اللي بتلمها ، قصة اللعبة واسعة و ضخمة و مليئة بالاسرار و كلها مترابطة ببعضها و علشان نبسط القصة على الناس اللي اول مرة تلعب Dark Souls و علشان منتكلمش على قصة الجزء الاول المعقدة فى المقالة .

طريقة لعب او Gameplay لعبة Dark Souls Remastered :

Dark Souls Remastered هي احد افضل التجارب اللي ممكن اى جيمر محترف يلعبها ، الجزء الاول مخرجش عن تركيبة العاب Souls و بالرغم من الجزء التالت كان ابداع لكن و مع ذلك فالجزء الاول لا يزال ممتع ، Dark Souls Remastered بتعلمك الصبر ي انك امتى تحارب و امتى تدافع و امتى تشرب فلاسك و امتى تنتظر .

لحظات كتيرة اثناء قتال الزعماء و ان Boss على وشك انه يموت و ان بسبب تسرع اللاعب بتسديد ضربات متتالية فاللاعب هو اللي بيموت و بيخسر ، فاللعبة دفاعية اكتر منها هجومية الـ Combat فى اللعبة بعتمد على الشريط الاخضر او التحمل كل ما تطوره كل ما تقدر تحقق ضربات اكتر و صد الضربات بيكون من خلال الشيلد او الرولينج .

لعبة Dark Souls Remastered
لعبة Dark Souls Remastered

Dark Souls Remastered مش موجهه لاي لاعب عادي اللعبة موجهة اكتر لفئة الجيمرز المحترفين اللي عاوزين لعبة مليئة بالتحدي و العمق فى تصميم عالم اللعبة ، فعالم اللعبة متصل كله ببعض و عالم اللعبة ضخم و مليئ بالاعداء المنوعة و المختلفة ، اهم ما يميز Dark Souls Remastered ان عالم اللعبة كله بينفد على بعضه و دا بسبب كمية الاختصارات و الاماكن المغلقة اللي بتتفح لك فى حالة واحدة و هو استكشافك لعالم اللعبة.

اللعبة مش بتجبرك على الاستكشاف لكن بتديك كامل الحرية لكن الاستكشاف مطلوب فلو بتسكشف و بتلم كل Item موجودة فهنا اللعبة بتكافئك بمعدات و Loot ممتاز و كمان مفاتيح و ابواب مختصرة هتسهل عليك الرحلة و المشي الطويل و كمان بتاخد اسلحة و معدات و خواتم .

اما لو قلبك خفيف و بتخاف على نقط الـ Souls بتاعتك فهنا اللعبة مش طالبة دا ان كمية المواد اللي جوة اللعبة هتفيدك جدا ، و كمان الاعداء او Mini Boss اللي بتقابلهم هتخليك تطور من شخصيتك اسرع و ترفع من القوة و حاجات تانية و كل دا هيخلي شخصيتك اقوى و حتى الدروع و السيوف و تطويرها كل دا هيضمن لك تسدد ضربات اعلى .

و تطوير الشخصية بيكون نقط الـ Souls اللي بتلمها من الاعداء و طبعا لو مت فهي بتروح عليك و بتستردها فى حالة واحدة بأنك تروح للمكان اللي مت فيه و تستردها اما لو مت مرة تانية فالنقط كلها راحت ، اى اسلحة بتاخدها من اللعبة فلازم تتاكد انها بتناسب شخصيتك فمثلاً في سيوف علشان تستخدمها بتطلب مثلا يكون الشخصية فيها 30 وحدة من القوة فعلشان تستخدم السيف دا لازم تكون شخصيتك متطورة حسب السيف ، اللعبة بتبدع و بتديك الحرية بإنك تختار الـ Class اللي هتلعب بيه .

تقييم لعبة Dark Souls Remastered
تقييم لعبة Dark Souls Remastered

في Class كتيرة زي Warrior و Knight و Thief و حاجات تانية و كل واحد بيمثل صعوبة معينة أصعب حاجة طبعا Pyromancer و كل واحد له اسلحته الخاصة و ضرباته الخاصة فإما انك تكون ساحر و تستخدم ضرباته السحرية وتطورها او انك تكون محارب عادي و تستخدم السيف و تطوره ، اما عن الشخصية اللي لعبنا بيها فكانت Class Warrior فكنا مهتمين ب 3 خواص فقط الدم و القوة و الخفة و التحمل اللي بتخلينا نعمل معدل ضربات اعلى و نشيل معدات زي السيف و الدروع و هكذا .

من اهم مميزات Dark Souls Remastered انها بتعيشك جوة عالم اللعبة من جمال و عظمة اللعبة دايما هتكون متشوق فى الـ Boss Fight القادم  ، و كل الـ Bosses كانوا منوعين و ليهم طرق قتال مختلفة منها التنانين و العملاقة و الشياطين و الفرسان و طبعا مفيش امتع من قتال الميني بوسس اللي مفيدين جدا فى تطوير الشخصية .

و اللعبة كانت عادلة بشكل كبيرة فمثلا لو بتواجهة صعوبات اثناء قتال الزعماء فاللعبة فيها ميزة انك تستدعي حد يحارب معاك سواء كان اونلاين او اوفلاين و حتى توزيع الاعداء و اللي كان عادل بشكل كبير ، فاللعبة مش عشوائية بالعكس اللعبة عادلة جدا اكيد الناس اللي هتلعب Dark Souls Remastered اكيد اللعبة هتكون معقدة لكن دي افضل فرصة لو حابب تجرب النوع دا من الالعاب و لـ Remaster بيثبت ان Dark Souls لاتزال تجربة ممتازة و قوية فبعد سنوات من نزولها و مليئة بالتحثينات اللي خلت اللعبة تبان كأنها تجربة جديدة .

الجرافيك و الرسوميات فى لعبة Dark Souls Remastered :

الـ Remaster ممكن ميكونش غير من رسوم اللعبة بنسبة كبيرة لكن دي نسخة Remaster مش Remake و شخصياً شايفنوه مناسب جدا و افضل من نسخ Remaster كتيرة ، فاللعبة تحسنت بشكل كبيرة Texture بقى افضل الاضاءة بقى افضل و المؤثرات افضل طبعاً ، حتى Frame Drop اللي كان بيحصل فى مناطق معينة مع الجزء الاصلي فكل دا اتحسن جداً ، خصوصاً مع دعم 60 Frame و 4K .

اما عن البيئات مع تحسين رسومتها فهي ابداع فى كل مكان بتمشي فيه ، و دا اللي بيميز دارك سولز فى تمصيم بيئات اللعبة الوحوش و البوسيز اللي كانوا ابداع ،  مع الاسف كان فى بعض مناطق ال Texture فيه جودته ضعيفة لكن لا تزال نسخة Remaster ممتازة بوضح عالي جدا .

الصوت في لعبة Dark Souls Remastered :

بالنسبة للاصوات و الساوند تراك مفيش شك انه ممتاز و Epic و كل Boss Fight بساوند تراك مخلتفة .

تقييم لعبة Dark Souls Remastered :

الناس اللي اول مرة بتعلب Dark Souls فلو بتبحثوا عن لعبة فيها تحدي و بمواجهات ممتازة و اعداء و Loot و بيئات جميلة و عالم ضخم و مليئ بالاسرار و المغامرة من اعظم ما يمكن ، فننصحكم بـ Dark Souls Remastered الجزء الاصلي كان من امتع الالعاب اللي لعبناها على الجيل اللي فات و اعتقد ان الـ Remaster هيكون من امتع المغامرات اللي هتخضوها ، اللعبة متاحة على الكونسول و الـ PC بالاضافة الي جهاز Switch  فى الصيف ، و تقييمنا للعبة هو 9.0 من 10.0 .

بنشكركم على المتابعة و نتمنى تكونوا استمتعوا معانا سيبولنا تحت فى التعليقات رأيكم فى الـ Remaster الجديد من لعبة Dark Souls و ايه التجارب اللي خضوتها فيها منتظرين آرائكم .

اترك تعليق

يرجي التسجيل لترك تعليقك

شكرا للتعليق