مناقشة عروض لعبة The Last Of US 2 القادم نزولها على البلايستشن 4 قريباً

0

مناقشة لعبة The Last of Us 2 – سواء عندك PS4 او لا فلازم تنبهر بعروض لعبة The Last of Us 2 لذلك حبينا نبهركم بكم التفاصيل اللي NAUGHTY DOG قدمها فى لعبته فتعالوا نشوف ليه لعبة The Last of Us 2 هي افضل مستوى تقني هتشوفه الي حد وقتنا هذا من خلال موقعنا جوال أبس .

معلومات عن لعبة The Last Of US 2 :

فى البداية حبين نوضح ملحوظة العرض اللي ظهر فى E3 2018 هو عرض Demo سينمائي و فى ناس افتكرت ان دا معناه ان اللعبة مش هتكون بالشكل دا ، و دا كلام خطئ ، ومعنى عرض Demo سينمائي هو اللي احنا شفناه فى المؤتمر هو نفس الجودة اللي هتكون فى المنتج النهائي و نفس الـ Gameplay من غير اي اختلافات لكن القصد أن الـ Demo دا متصمم فقط علشان يورينا اللعبة هتقدم ايه فى المنتج النهائي و تصميم المرحلة اللي اكيد مش هنشوف المرحلة دي فى اللعبة .

لكن بيورينا ضخامة المراحل و دي مش اول مرة المطورين يعملوا حاجة زي كدة فى الجزء الاول برضه في عرض E3 2011 اللي برضه قدم Demo مكنش موجود خالص فى اللعبة و لكن تم تقديمه علشان يوريك اللعبة هتقدم ايه و المنتج النهائي بيقدم نفس الجودة.

فالعرض بتاع الجزء التاني اللي تم عرض فى E3 2018 كان بيحط الافكار اللي اللعبة هتقدمها بس دا مش معناه ان المكان او المرحلة دي اصلاً موجودة فى اللعبة بس احنا معجبين جداً بالعرض و تفاعل الاعداء فى البيئة ، فالعرض اتنسق بطريقة رهيبة ، من الواضح يا سادة ان لعبة The last of Us 2 هتدفع قدرات PS4 لاقصاها .

الرسومات فى لعبة Last Of Us 2 :

مناقشة كاملة عن لعبة The Last of Us 2 –  رسومات اللعبة عجبنا جداً فاللعبة تقنياً هي افضل لعبة هتشوفها فى حياتك ، احنا مش عارفين الـ PS4 هيقدر يستحمل اللعبة دي و بالرغم ان اللعبة قدمت مشهد مخالف لجميع الاذواق لكن هو بيورينا مدى جمال visual animation مابنقولش ان المشهد لازم يكون موجود بس مينفعش نكره اللعبة فقط لان المشهد دا موجود ، فا ليه مناخدش المفيد من اللعبة او من العرض كله و نسيب الحاجات اللي بتختلف معانا.

بصراحة لما بنلاقي الناس انها بتسيب المفيد من العرض و بتمسك فى لقطة واحدة فقط مش عجباهم بنستغرب منهم ، يعني ماشي احنا متفقين مع اى حد بيقول انها مكنش ليها لازمة انها تتحط ، لكن لو فكرنا و اخدنا المفيد من مشهد زي كدة هنلاقي ان اللعبة هتقدم نقلة مختلفة لتعبيرات الوشوش و اكيد تقدر تعمل Skip للمشهد فالموضوع اخد اهتمام كبير من الناس و اصلا ليه كل الاهتمام دا ، و عموما البنت اخذت جزائها و ماتت .

دا حتى رئيس فريق Eidos Montreal مستغرب و قال ان المشهد كان مزيف و مش هيكون موجود فى اللعبة و ان نوتي دوج بيخدع اللاعبين بعدها طبعاً اعتذر و مسح الكلام دا ، اللكلام دا مش صحيح و اللعبة هتقدم المستوى التقني اللي كان فى العرض بس هو بيقول كدة لان لعبته shadow of the tomb raider مقدرتش تقدم ربع اللي Last Of Us قدمته ، يعني حتى لو تلاحظه تعبيرات وشوش Rise Of Tomb Raider اللي هو اصلا نزل من سنتين كانت تعبيرات الوشوش فيه افضل من جزء shadow of the tomb raider فهو مصدوم من جودة اللعبة مش اكتر .

الفيديو الترويجي الخاص بلعبة The Last of Us 2 الأكثر تشويقاً ومتعة :

تفاصيل داخل لعبة Last Of Us 2 :

العرض ورانا تفاصيل عظيمة خلانا ننبهر بالتفاصيل دي و نتمنى ان التفاصيل دي تكون متواجدة تماما ف اللعبة ، يعني مثلا المشهد بتاع إيلي كانت مستخدبية تحت العربية و الاعداء جاييين يدورا عليها تحت العربية ، الاعداء و تفاعلهم بالبيئة عاجبنا جدا .

لكن هل دا موجود فى النسخة النهائية ، و المشهد لما إيلي مسكت الازازة و رمتها على العدو و برضه مشهد لما كانت إيلي بتهرب و جه واحد و ضرب على الازاز و إيلي اتأثرت بالازاز دا و صحتها نزلت فالتفاصيل دي هل هي موجودة فى النسخة النهائية و لا لا ، بصراحة منظنش انها هتكون موجودة بنفس الطريقة و خصوصاً اماكن الاعداء و تفاعلهم مع بيئة اللعبة .

فالتفاصيل دي منظنش انها تكون موجودة فى اللعبة و لكن نتمنى نكون غلطانين و نلاقيها فى اللعبة ، فاللي احنا هنشوفه فى اللعبة كنسخة نهائية هي المؤثرات و الجرافيكس و طبعاً ذكاء الاعداء الممتاز و الفيزيائية طبعا اللي معجبين جدا بيها ، لكن البيئة و التفاعل معاها و الاعداء و التفاعل مع البيئة و تناسق العرض مع بعضه دي كلها حاجات منظنش انها هتتواجد فى اللعبة .

الشخصيات فى لعبة The Last Of Us 2 :

بصراحة احنا مش قادرين نتقبل انها تكون البطل الرئيسي فى اللعبة ، الفريق بالفعل اكد انها هتكون الشخصية الاساسية و مش هنقدر نلعب بجول دي كانت صدمة لكل محبين اللعبة ، احنا معندناش مشكلة بإننا نلعب بـ إيلي لكن احنا حاسين انها Over Powered .

يعني إيلي ازاي تعمل كل الحركات دي و تكون عندها كل الذكاء و الدهاء دا فى مواجهة الاعداء فى حين ان جول كان دوره فى اللعبة واقعي اكتر ، طبعا شخصية جول موجودة و الكشف عن الشخصية هتكون مفاجاة و اعتقد انها ممكن تكون فى مؤتمر الجاي ، جول نعتقد انه بقى عجوز و ان عمره بقى فى الخمسينات لكن نتمن نشوفه كشخصية قابلة للعب .

 موعد صدور لعبة the last of us 2
موعد صدور لعبة the last of us 2

بس دا مش معنى انه بقى عنده 50 سنة يخليهم يستغنوا عنهم بصراحة دا مش سبب يخليهم يسبوه فقط لانه بقى عند 50 سنة ، اللي هو مش 4 سنين من عمره اللي هتخليه ميعرفش يقاتل فبنتمنى انهم يكونوا مخبين مفاجاة بخصوص جول ، بس الفريق قال ان فى شخصيات تانية فى اللعبة قابلة للعبة و دي شخصيات جديدة بس نتمنى ان الشخصية المساعدة تكون مميزة و الاهم تصرفاتها تكون مميزة زي تصرفات Atreus من God Of War .

فالمشكلة اللي كانت فى الاول من Last Of Us ان إيلي كشخصية مساعدة الاعداء مكنتش بتكشفها و كانت تحركتها اثناء الـ Stealth كانت بتربك اللاعب ، فإحنا نتمني لو هيقدموا شخصية مساعدة فى الجزء التاني تكون ليها اتجاه خاص زي Atreus مثلاً .

القصة فى لعبة The Last Of Us 2 :

فمن الواضح رجع اللي طبيعته فالعرض قدم ناس سعيدة و بترقص و كان الوباء انتهى ، و نعتقد ان القصة هتركز على فترتين مختلفتين ، لان العرض بتاع السنة اللي فاتت لما شوفنا ان فى مجموعة بيموتوا اللي اخطأوا فى حياتهم فممكن اللقطات دي تكون من الماضي مع شخصية مختلفة و ان فى بعض الناس قالت انها ممكن تكون ام إيلي و فى وقتنا الحالي اللي هو مع إيلي و اللي احداثها فى فترة مختلفة .

قصة لعبة the last of us 2
قصة لعبة the last of us 2

زي ما عملوا فى اضافة Left Behind اللي كانت سرد قصتها عبارة عن مشاهد بأوقات مختلفة فممكن نشوف حاجة زي كدة و بصراحة سرد قصة Left Behind كانت من اجمل القصص اللي ممكن تشوفها فى حياتك .

احنا كدة قولنا كل اللي عندنا عن اللعبة و متوقعين جدا ان اللعبة هتكون اعلى من مستوى توقعاتنا و بكدة كل اللي احنا متسنينه هو موعد زولها اللي متوقعينه هيبقى من شهر 4 لشهر 6 من سنة 2019 .

اترك تعليق

يرجي التسجيل لترك تعليقك

شكرا للتعليق