ألعاب ألغاز للكمبيوتر منهم لعبة تعلمك انجليزي

ألعاب ألغاز للكمبيوتر
0

ألعاب ألغاز للكمبيوتر – المرة دي جايبين ليكم لعبتين صغيرين تجربوهم على PC يا رب يعجبوكم ، اول لعبة معانا هنا فى جوال أبس هي :

أساسيات المحتوي

The Sexy Brutale :

اللعبة دي لعبة الغاز بتعيش فيها مغامرة داخل قصر كبير كل الناس اللي فيه لابسين اقنعة مسحورة و كلهم بدأوا يتصرفوا بشكل غريب ، الفكرة ان كل واحد فيهم بيتعرض لجريمة قتل ، و انت بتقدر تتحرك عبر الزمن و تحاول تحل اللغز تنقذ بيه الشخص اللي هيموت .

اهم حاجة فى اللعبة انك تتحرك من غير ما حد يشوفك و اللي بيساعدك فى دا انك بتحاول تحس بالاشخاص اللي حواليك و بتراقبهم من ورا الابواب و على اساسه بتقدر تخطط الحركات بتاعتك و بتنفذها ، المميز فى اللعبة دي غير فكرة الـ Mechanics هي القصة بتاعة الاشخاص اللي جوة القصر و الحاجات الغريبة اللي بتحصل .

دا غير الجودة بتاعة الصوت و الموسيقى ، كمان بدل ما انت بتحل خيوط الجريمة انت في العادي عارف مين اللي ارتكابها و بتحاول تمنعها ، المشكلة فى اللعبة دي ان لو حاولنا نقولك عنها اي حاجة هنحرقهالك ، لان كل لغز فى اللعبة ديه حله عبارة عن Spoiler كبير ، لكن هو دا اقوى حاجة فى اللعبة فجربها بنفسك دا Pretty Much اليي عاوزين نقوله فى المقالة دي .

Reigns Her Majesty :

اللعبة دي بتقوم فيها بدور احد الاميرات فى مملكة قديمة خيالية بتتخذ فيها قرارات بتخص المملكة بتاعتك و بتتعامل مع القرارت دي زي ما بتتعامل مع برنامج Tender .

لو موافق على القرار بتعمل Swipe يمين و لو مش موافق بتعمل Swipe شمال ، اهم حاجة ان طول الوقت تحاول تـ Manage الموارد اللي عندك و مهما حصل متخليش جانب معين فى المملكة مبسوط منك 100 % لان دا هيعرضك للموت ، على كل حال الملكة بتموت كتير و بتعيد اللعبة بالاميرة اللي بتيجي بعديها .

القصة بتتغير على حسب القرارات بتاعتك و مدة الحكم اللي كل ما استمرت كل ما بدأت المغامرة نوعها يتغير ، اللعبة زي ما انتوا شايفين فكرتها لذيذة بس خد بالك اللعبة محتاج تكون فيها الانجليزي بتاعك قوي او ممكن تخليها وسيلة تتعلم بيها الانجليزي لو هتلعبها و انت في ايديك قاموس .

اللعبة دي هيستمتع بيها الناس اللي خيالها واسع و بتحب القراية لان العالم بتاعها غريب جدا ، اللعبة كمان موجودة على الموبايل و الكمبيوتر اختار المنصة اللي تعجبك و جرب عليها اللعبة .

اهم حاجة متنساش تقولي رأيك فى التعليقات اللي تحت الفيديو و هنبقى نبص على الكومنتات كلها كمان يومين علشان نديكم فرصة تجربوا اللعب ، متنسوش بس ترجعوا تاني للمقالة علشان تسيبوا التعليق بس كدة ، نشوفكم المقالة الجاية ، شكراً للمتابعة و للمزيد عن عالم الالعاب خليكم معانا على جوال أبس .

ويمكنك أيضاً التعرف على قسم العاب الكمبيوتر للتعرف على كل ما هو جديد فى عالم العاب الكمبيوتر لتعيش روح المغامرة من جوال أبس

اترك تعليق

يرجي التسجيل لترك تعليقك

شكرا للتعليق