مراجعة وتقييم لعبة Need for speed payback للكمبيوتر و البلاي ستيشن و الأكس بوكس

مراجعة وتقييم لعبة Need for speed payback
0

مراجعة لعبة Need for speed payback : احنا صحيح مش من عشاق العاب العربيات بس سلسلة Need For Speed ليها مكانة خاصة جوة قلبنا لا يمكن ننسى لعبة Need For Speed Most Wanted و منعتقدش ان فى جيمر بيحب العربيات او مبيحبهاش مش بيحب اللعبة دي .

مراجعة لعبة Need for speed payback
مراجعة لعبة Need for speed payback

من مطاردات عنيفة لمسابقات ممتعة لعربيات بي ام دابليو شكلها خرافي كانت لعبة عبقرية جدا ، للاسف دا مش لاقينه بقالنا سنين يمكن Hot Pursuit قدمت مطاردات حلوة بس بعد كدة الـ Project بدأ يبوخ ، لعبة Need for speed payback هي احدث جزء من اللعبة تابع المقالة هنا دي من جوال ابس علشان تعرف الكتير عن اللعبة .

أسلوب اللعب في Need for speed payback :

لعبة Need for speed payback زي السلسلة كلها تعتبر من العاب السباق الاركيدي و دا معناه ان الاداء بتاع العربية مش واقعي بس ممتع جدا ، الدريفتات بالذات فى اللعبة دي مش بتحتاج منك تشيل رجلك من على البنزين و العربيات متزنة بشكل مستفز و دا بيخلي الدريفاتات اسرع بكتير و دا بيخلي اللعبة ممتعة جدا ، اللعبة صحيح فيها مطاردات مع البوليس بس كلها مطاردات بدائية جدا كلها مطاردات بتتلخص انك بتوصل من النقطة أ الي النقطة ب ، لكن مفيش النظام الممتع بتاع زمان اللي بيعلي الاكشن بالتدريج .

مراجعة لعبة Need for speed payback للكمبيوتر
مراجعة لعبة Need for speed payback للكمبيوتر

القصة بتاعتة اللعبة من غير حرق قصة كلها كليشيهات الشخصيات فيها اداء كرتوني مبالغ فيه ، و كتير من الوقت الصت مش بيبقى ماشي مع حركة الشفايف و اللي بيخلي الواحد يفضل انهم يرجعوا الي Live Action بتاعة الاجزاء اللي فاتت ، فى القصة هتقوم بشوية سباقات فى شكل عالم مفتوح علشان تسدد احد الديون اللي عليك و السباقات دي نفس الموضوع مفيشهاش جديد يستحق الذكر لكن العالم نفسه اوسع و افضل من الجزء اللي فات و مليان سباقات و نشاطات جانبية كتير ، الفكرة هنا ان دا كله بيصب فى نظام مصاص للدماء كلنا عارفينه الا و هو Load Boxes ، المشكلة هنا اننا شايفين ان فى تضحية فى جوانب كتير من جوانب التصميم الاساسية علشان تخدم النظام السئ دا مأساه الحقيقة مش هنقول اكتر من انها بقت مأساه .

ولو انت من محبي ألعاب الكمبيوتر بجد تقدر تتعرف على قسم ألعاب الكمبيوتر اللي بيقدم فيه ألعاب الكمبيوترالمميزة والجديد من جوال أبس

الجرافيك فى لعبة Need for speed payback :

بغض النظر عن السلبيات دي فإحنا زي ما قولنا كنا مستمتعين بس وقع بالذات فى التفحيط او الدرفتات يعني و دا مش جديد عن السلسلة دي بصراحة اللعبة دي دماغ و ممتعة فى السواقة دا غير انهم خدوا شوية افكار لذيذة من الالعاب التانية زي ان فى حركة كدة بتتعمل بتخليك تقلب العربيات اللي بتطاردك و اللحظات دي ممتعة جداً الصراحة .

مراجعة لعبة Need for speed payback للبلايستيشن
مراجعة لعبة Need for speed payback للبلايستيشن

برغم كدة فى مشكلة فى المهمات اللي بتلعبها و هي ان اللعبة بتقطع الاكشن كل شوية بـ Cut Scene و في اجمل اللحظات بتاعة اللعبة التحكم فيها مش بيبقى معاك عيد بيضاف الي اللعبة دي الا و هو السينمائية ، بالمناسبة الجرافيك فى اللعبة دي فى السينمائية اقل من الجزء اللي فات برغم كدة اللعبة شكلها روعة ، احنا كنا مشغلنها على 2K و كانت شغالة معانا على Very high بـ 60 فريم فى الثانية.

مراجعة لعبة Need for speed payback للأكس بوكس
مراجعة لعبة Need for speed payback للأكس بوكس

و لما بنشغلها على جودة 1080 بتشتغل معانا على Ultra و بتكسر الـ 100  فريم فى الثانية ، الاداء بتاعها روعة على كارت GTX 1070 و ممكن تقتصر شوية من غير ما تضحي بالاداء و تشغلها على GTX1060 و اللي هيديك اداء محترم على جودة 1080 .

تقييم لعبة Need for speed payback :

Need for speed payback لعبة ممتعة الي حدا ما بس للاسف رغم كل الحلو اللي فيها لكن حاجة زي Load Boxes مبوظة فيها حاجات كتير ، اللعبة زي ما فيها الوحش فيه الحلو دريفتات و جرافيك و شوية افكار جديدة مش هنقدر ننصحك تروح تلعبها بس لو لعبتها على الاقل هتستمع بيها شوية قبل ما تزهق من النظام بتاع Free to play اللي فيها .

للمزيد عن عالم الالعاب خليكم معانا على جوال أبس .

اترك تعليق

يرجي التسجيل لترك تعليقك

شكرا للتعليق