مراجعة لعبة Prey MoonCrash على الكمبيوتر و البلايستيشن

مراجعة لعبة Prey MoonCrash
0

الجزء الجديد من لعبة Prey و اللي كان بعنوان MoonCrash كان من افضل التجارب اللي لعبناها الفترة الاخيرة بل وانها فى وجهة نظرنا اقوى من اللعبة الاصلية شئ غريب لان برضه فيها عيب قاتل بيقف بينها و بين انها تكون افضل تجربة خيال علمي في عالم الالعاب .

مراجعة لعبة Prey MoonCrash :

الـ EXPANSIONS دا بيجمع بين الميكانكيس بتاعة Prey و الفكرة بتاعة روب لايت الا و هي انك تلعب نفس المستويات اكتر من مرة و تحتفظ بجزء من Progress بتاعك ، الخلط ما بين الفكرتين كان ممتع جدا الحقيقة خصوصاً و ان التكرار دا جوة خريطة متصصمة كويس بيكون ليه تأثير ايجابي جدا على التجربة و بيتحول التكرار لتدريب او وسيلة او دافع لتحسين مهارتك مش مصدر للمملل .

للاسف ان المشكلة فى اللعبة دي ان Loading Screens بتاعتها طويلة جدا خصوصاً على PS4 و دا للاسف بيسلب اللعبة دي جزء كبير من المومنيتال بتاعها لان سرعة الاعادة شئ ضروري جدا للالعاب اللي زي دي .

لعبة Prey MoonCrash
لعبة Prey MoonCrash

طبعاً احنا مجربنهاش على PC و لو النسخة على الPC متاخدش نفس الوقت فى التحميل اكيد اللعبة هناك هتكون تجربة خرافية ، لو الموضوع دا مش هيعملك مشكلة فخلينا نحكي لك عن تجربتها و اللي استمرت لايام لحد ما قدرنا نخلص اللعبة الجامدة دي ودلوقتي فى مراجعة لعبة Prey MoonCrash هنتكلم فى الفقرة الجاية عن قصة اللعبة بشكل مفصل أكثر من جوال أبس .

قصة لعبة Prey MoonCrash :

مراجعة لعبة Prey MoonCras هي تجربة منفصلة بشكل كبير عن قصة اللعبة الاصلية دا مش معناه انك مش محتاج تلعب Prey بالعكس  المفروض انك مش هتقدر تستمتع باللعب دي الا لما تكون عارف الميكانكس الاصلية و بشكل مفصل ، فاللعبة بتقوم بوظيفة Simulation لصالح الشركة الام و اللي بتقوم فيها بدور 5 اشخاص موجودين على القاعدة اللي فوق القمر و اللي المخلوقات فيها بتخرج عن السيطرة زي اللعبة الاصلية .

مراجعة لعبة Prey MoonCrash على الكمبيوتر
مراجعة لعبة Prey MoonCrash على الكمبيوتر

الاول بتبدأ بشخصية واحدة و لما بتبدأ المهمات بتفتح لك الشخصية اللي بعدها و اللي بعدها نفس الكلام لحد ما تفتح الشخصيات كلهم ، حاول الاول تنفذ كل المهمات بتاعة كل شخصية الاول و بعد كدة بتحاول تهربهم من القاعدة فى Simulation واحد من غير ما تعمل Restart ، الريستر بتاع كل Simulation بيخلي كل الشخصيات ترجع من الموت او الهروب و دا بيديك الفرصة انك تعلب كل Simulation 5 مرات بـ 5 شخصيات مختلفة ، اللي انت بتعمله بشخصية معينة في Simulation معين بيأثر على باقي الشخصيات و بيخلي Simulation يعتبر تجربة مميزة .

لان كل شخصية ليها قدرات مختلفة عن الباقيين حتى الاسلحة او Items اللي انت بتعملها Loot لما بتلعب بشخصية تانية فى نفس Simulation مش بتلاقي items دي ، و دي اكتر نقطة فى MoonCrash انك بتعلب كل Simulation لهدف معين علشان تأدي مهمة معينة و دا لان كل شخصية عندها مهارات مختلفة ، زي مثلا في شخصية المهندسة و دي تقدر تصلح الابواب و تصلح باب معين يقدر يخش منه شخصية الهاكر و يفتح خزنة معينة فيها معلومات مهمة لشخصية 3 شخصية العالم و اللي بتعمل بحث فى قدرات المخلوقات و دروها بتفتح Abilities للشخصيات اللي بعدها و هكذا .

مراجعة لعبة Prey MoonCrash على البلايستيشن
مراجعة لعبة Prey MoonCrash على البلايستيشن

كل Simulation بتعمله في Timer لحاجة اسمها Corruption و دا بيخلي Simulation يبقى اصعب مع مرور الوقت ففي مهمة هيبقى بينفذها اكتر من شخصية لازم تبقى بتتحرك و تاخد قراراتك بسرعة جدا ، غير ان اخر مهمة بتطلب منك انك تهرب كل الشخصيات في Simulation واحد و دا مستحيل من غير ما الشخصيات كلها تساعد بعضها ، المهمة دي احنا شخصية مش قادرين نعديها من كتر الصعوبة بتاعتها لان اللعبة اصلا صعبة جدا و اي غلطة بتعملها بتخليك تعيد كل حاجة من الاول وبعد ما انتهيني فى مراجعة لعبة Prey MoonCrash هندخل دلوقتي على تقييم اللعبة من وجهة نظرنا .

تقييم لعبة Prey MoonCrash :

الـ EXPANSIONS بتاع MoonCrash من اجمل تجارب الخيال العلمي اللي لعبنها مؤخراً و من اصعب التجارب كمان ، لكن مشكلة تقنية صغيرة هي اللي بتعكر صفو التجربة دي الا و هي Loading Screens التكرار لما يكون معمول صح بيتحول الي تجربة محفزة للادمان و في مساحة فى اللعبة دي انك تجربها 1000 مرة و كل مرة هتلاقي حاجة جديدة لكن للاسف دا بيجي على حجم كبير من الوقت الضايع اللي على حساب Loading Screens .

Prey MoonCrash
Prey MoonCrash

زي ما قولنا على هارد درايف بطئ زي النسخة العادية من PS4 ، مع ذلك فكرة انك تلعب نفس الجيم بأكتر من شخصية و تحاول تستغل كل المهارات المتاحة قدامك علشان تنفذ المهمات اللي انت بتلعبها و الاسلوب الممتع بتاع كل شخصية بيخلي اللعبة دي ليها طعم مختلف و يخليها كمان نظرة بتعالج مشاكل كتير في النوع دا من الالعاب نقصد هنا Si-Fi FP RPG لو انت حبيت Prey فا MoonCrash افضل منها بكتير جدا كتجربة بس خد بالك من حتة التكرار و Loading Screen و الميكانكس .

شكراً للمتابعة و للمزيد عن عالم الالعاب خليكم معانا على جوال أبس

اترك تعليق

يرجي التسجيل لترك تعليقك

شكرا للتعليق