هل لعبة Red Dead Redemption 2 هتنزل على PC ؟ أم لا

هل لعبة Red Dead Redemption 2 هتنزل على PC
0

هل لعبة Red Dead Redemption 2 هتنزل PC  – مفيش شك ان لعبة Red Dead Redemption 2 خطفت جميع الاضواء بمجرد تلميحات عن اللعبة الجزء الاول منها عظيم ، و بالنسبة لنا من الالعاب اللي ساعدت بشكل كبير على تطور العاب العالم المفتوح و ممكن نقول انها من افضل العاب الجيل اللي فات ، ان في لعبة تقدم كم التفاصيل دي فى الجيل اللي فات دي كانت نقلة مختلفة للصناعة لكن بالنسبة لملاك الـ PC هل هيجربوا التحفة الفنية دي و لا لا ؟! هنرد على كل التسألات اللي بتخطر على كل عقل كل المهتمين باللعبة من جوال أبس .

هل Red Dead Redemption 2 هتنزل على PC ؟

الجزء الاول من لعبة Red Dead Redemption منزلش على البي سي PC و عموماً السلسلة كلها منزلتش الا على الكونسول ، و الجزء التاني برضه اعلن حصري على الكونسول ، السؤال هل الجزء التاني هينزل على البي سي PC ، تكاليف صناعة الالعاب بتزيد و نزول لعبة على منصتين مش كفاية لعمل الارباح فا GTA V وصلت ميزانية تطويرها ل 260 مليون و نزلت على 5 منصات .

و طبعاً عملت مبيعات ضخمة و طبعا GTA شعبيتها اكبر بكتير من Red Dead Redemption ، فالسؤال لو لعبة Red Dead Redemption 2 اللي ميزانيتها بالتخمين مش هتقل عن ميزانية GTA V و ممكن توصل لـ 200 مليون او اكتر هل المنصتين PS4 و الـ Xbox one هيقدروا يستردوا قيمة الانتاج و يعملوا مبيع .

هل لعبة Red Dead Redemption 2 هتنزل على PC
هل لعبة Red Dead Redemption 2 هتنزل على PC

200 مليون ميزانية يعني اللعبة المفروض تبيع فى اول شهر 5 مليون نسخة بسعر 60 دولار علشان تسترد قيمة الانتاج و يكون فى 100 مليون ربح ، و طبعا الربح مش بيروح صافي لشركة Rockstar و لكن جزء من الارباح بيروح لشركة SONY و Microsoft بسبب ان اللعبة نزلت على منصتين و جظء بيروح للاستديو و جزء تاني بيروح للمحلات اللي بتعرض اللعبة و جزء اخر للشحن و التوزيع .

يعني الشركة بتاخد 30 % من الربح يعني 300 مليون ارباح هتاخد منهم فقط نسبة مبيع ال 5 مليون نسخة ، يعني لو ال 5 مليون نسخة عملت 300 مليون فنسبة الـ 30 % هتكون 90 مليون فقط و بكدة مفيش اي ارباح استردوا فقط نص الميزانية ، يعني كدة الشركة محتاجة تبيع 12 مليون نسخة بـ 60 دولار علشان تسترد قيمة الميزانية بالكامل دول بقى هيروحوا للشركة الام و نسبة منها هتروح لشركة Rockstar .

ليه الشركات بتخاف تنزل العاب على PC ؟

طيب لو نزلت على PC مبيعات العاب PC بعض الالعاب بتكون مرتفعة و بعض الالعاب بتكون لا دي حاجة محدش يقدر يضمنها ، فمثلاً لعبة زي Final Fantasy لما نزلت على الـ PC اللعبة حققت حوالي على Steam نصف مليون نسخة و طبعاً دا رقم قليل جداً ، طبعاً احنا هنا بنتكلم عن الحصريات اللي اتفكت و نزلت PC .

فالمشكلة ان مبيعات العاب PC دايما بتكون اقل حاجة ، اكيد طبعا العاب زي The Witcher 3 و GTA V عملوا مبيعات ضخمة لكن نجاحهم التجاري مش مقياس على نجاح جمبيع الالعاب ، ما هو Assassin’s Creed Origins باعت حوالي مليون و نص نسخة على Steam و Shadow Of War نعتقد مليون و اكتر دا كله في حوالي 8 شهور او 9 شهور .

لو انت من محبي سلسة لعبة أساسين كريد اوديسي تقدر تتعرف على مراجعة لعبة Assassin’s Creed Odyssey على الكمبيوتر من جوال أبس

لكن FARCRY 5 باعت حوالي مليون و نص نسخة في اسبوعين فقط ، فمبيعات العاب PC مش مضمونة ممكن العاب تعمل مبيعات ضخمة و سريعة و العاب تانية تعمل مبيعات اقل بكتير و بطيئة و دا برضه بيتوقف على التصادم بينها و بين اي لعبة تانية نازلة فى نفس الشهر .

فمش معنى ان في لعبة معينة باعت 10 مليون نسخة على Steam فدا مش شرط ان كل الالعاب تعمل نفس المبيعات فدا مش مقياس خالص ، و اصلا مبقاش في حصريات لالعاب شركات طرف تالت ، زمان اه كان في شركات طرف تالت بينزلوا العاب على الكونسول الجيل القديم من ضمنهم شركة EA لكن دلوقتي خلاص مبقاش في الكلام دا .

 أخبار لعبة Red Dead Redemption 2
أخبار لعبة Red Dead Redemption 2

فبقينا نلاحظ ان كل العاب الطرف التالت بقت بتنزل PC بشكل طبيعي جدا و حتى الالعاب اليابانية بقت بتنزل على PC زي مثلا Street Fighter و طبعا كان في العاب تانية كانت حصرية على الكونسول و اتفكت و نزلت على PC زي مثلا Destiny 2 فزمن حصريات الكونسول الخاصة بشركات الطرف التالت انتهى و الالعاب كلها بقت بتنزل PC مبقاش في حاجة اسمها حصريات طرف تالت للكونسول خلاص الزمن دا انتهى ، فالشركات مبيقدروش يلغوا منصة PC .

فالنسخ اللي بتتباع حتى لو قليلة فهي مهمة ليهم ، فنسخ البي سي من اي لعبة لو عدة مليون نسخة بتبقى لعبة محظوظة لان منصة معروفة دايما بأنها اقل مبيع ، ممكن دا يكون بسبب ان الالعاب بتتقرصن او ممكن يكون اللاعبين يكونوا مش بيحبوا يلعبوا على البي سي او بيلعبوا اون لاين بس و لعب القصة بيلعبوها بطرق غير شرعية او حتى ممكن يكونوا بيتفرجوا عليها على اليوتيوب فالاسباب كتير او ممكن يكونوا لو اشتروا لعبة على البي سي فا صعب يبيعوها او يبدلوها .

ما هو موعد صدور لعبة Red Dead Redemption 2 على PC ؟

استديوهات Rockstar معروفين انهم افضل استديوهات على صعيد امريكا بتعمل Port لالعابهم على البي سي ، ممنساش طبعا اداء MAX Payne 3 الخرافي و كذلك اداء GTA V ، لذلك الشركة بتنزل نسخة الكنوسول الاول بعد كدة نسخة البي سي لضمان اداء ممتاز على نسخة البي سي و دا علشان يدي المطور الوقت علشان يعملها Optimize محترم زي مثلا نزول Final Fantasy 15 لما نزلت على الكنوسول بعدها نزلت على البي سي و المخرج هنا قال ان نسخة البي سي علشان نشتغل عليها براحتنا لازم نديها وقتها في نقلها علشان تنزل بأداء جيد .

فـ Rockstar مش مشكلتهم مع Red Dead Redemption 2 في انها تتقرصن او متعملش مبيعات عالية على البي سي لكن بسبب صعوبة نقل اللعبة على البي سي ، فـ Optimization مهم روكستار اهم حاجة عندهم الجودة فى العابهم حتى لو هتتأخر دايما نسخ البي سي بتنزل بعد فترة من نسخة الكونسول .

فـ Red Dead Redemption 2 هتنزل على PC لكن امتى هتنزل دي حاجة محدش يقدر يعرفها بس بنسبة كبيرة فى ( أكتوبر 2018 )

او يحصل زي ما حصل مع GTA V الا وهو ان نسخة البي سي تكون مبينية على نسخة الجيل القادم من الكونسول و بكدة ممكن تنزل فى 2020 او 2021 مثلاً ، و دا عملوه بالفعل مع GTA V لما نزلت على الجيل القديم بعدها اتعملها Remaster على الجيل الحالي و بعدها نسخة البي سي نزلت و اللي كانت مبنية على برتكونسول الجيل الحالي .

موعد صدور لعبة Red Dead Redemption 2 على PC
موعد صدور لعبة Red Dead Redemption 2 على PC

لو نسخة البي سي من اللعبة باعت 2 مليون نسخة بسعر 60 دولار فالامر هيبقى ممتاز جدا للشركة اكيد طبعا اللعبة مش هتفضل تبيع بسعر 60 دولار لان اللعبة بيتعملها خصم ممكن يوصل 40 دولار مع خصم تاني ممكن يوصل لـ 30 دولار فمع كل خصم باعت مليون نسخة فالامر هيكون مربح جدا للشركة .

اكيد طبعاً كل ما سعر اللعبة هيقل كل ما النسبة تقل ، فالنهاية ال 60 دولار او 30 اللي بتدفعهم نسبة منهم فقط اللي بتروح صافي ربح للشركة نسبة ال 30 % اللي بتروح للشركة هتكون حوالي 9 دولار لكل نسخة سعرها 30 دولار ، كذلك الناس اللي بتقول ان لازم تسعيرة الالعاب تقل تريبل ايت تتباع بـ 40 او 50 دولار فإمر مستحيل فالنهاية نسبة صغيرة فقط اللي بتروح للناشر ، لكن احنا بنأمر و بنتمنى ان تسعيرة الالعاب متزدش عن 60 دولار .

و بالمناسبة مش لازم تلعب الجزء الاول علشان تفهم احداث الجزء التاني ، لان الجزء التاني من Red Dead Redemption  احداثه بتبدأ قبل الجزء الاول فدا برضه سبب اخر يخلي الجزء التاني ينزل على البي سي .

على العموم دي كانت لمحة سريعة عن اسئلة كتير بتدور حول ان هل فعلا شركة روكستار هتيح لعبة Red Dead Redemption 2 على PC و لا لا ، بنشكركم على المتابعة و نتمنى انكم تسيبولنا تعليقاتكم تحت او اي اسئلة .

اترك تعليق

يرجي التسجيل لترك تعليقك

شكرا للتعليق