مراجعة لعبة Shadow Of The Colossus على البلايستيشن 4

0

مراجعة لعبة Shadow Of The Colossus للبلايستيشن 4 : تعتبر لعبة Shadow Of The Colossus لعبة عبقرية بالرغم من انها لعبة عبارة عن Boss Fight و لكن الالغاز فى مرحلة الـ Bosses كانت حاجة عبقرية .

مراجعة لعبة Shadow Of The Colossus
مراجعة لعبة Shadow Of The Colossus

قصة لعبة Shadow Of The Colossus :

اللعبة احداثها فى عالم خيالي في جزيرة واسعة ساكنها العمالقة المعروفة بأسم الارض المحرمة و اللي مفصولة عن عالم البشر عن طريق جبال و بحار ، قصة اللعبة هي اشبه بفيلم درامي عبارة عن رحلة بيقوم بيها البطل وندر علشان ينقذ روح حبيبته مونو لكن دا علشان يحصل فكان لازم يخوض مغامرة و هي قتال 16 واحد من العمالقة اللي ساكنين فى الجزيرة دي .

لعبة Shadow Of The Colossus ps4
لعبة Shadow Of The Colossus ps4

القصة تعتبر غامضة لكن بصراحة هي ممتعة لكن اللي خدم القصة هي النهاية الرائعة ، طبعا اسئلة كتير هتطرح اثناء اللعبة لكن الاجابات هتتعرف بمجرد الوصول لنهاية اللعبة ، اللعبة كل ما فيها هي 3 حاجات البطل و الحصان اللي اشبه بصديق البطل و العمالقة ، و هتبدأ المغامرة لاستعادة روح حبيبته .

أسلوب لعب لعبة Shadow Of The Colossus :

في 2005 لعبة Shadow Of The Colossus صدرت على جاهز PS2 و في الوقت دا كانت نقلة كبيرة لجهاز PS في عالم اللعبة الواسع جداً و تقديم فكرة اللعبة نفسها و ازاي مخرج اللعبة تيودا طور من فكرة وضع الـ Boss Fight فى الالعاب و ازاي بتكون فى الالعاب ، و بالفعل الاستديو الاصلي نجح فى دا و قدم اللعبة و علشان بعد 13 سنة يتعملها Remake و الاستديو يكمل المسيرة ، مطورين Remake اعادو تصميم كل شئ من الالف الي الياء .

لكن اللعبة حافظت بشكل كبير على تقديم نفس الجيم بلاي للعبة الاصلية لكن مع تغيير التحكم و الميكانيكس و الفيزيائية و تقديم مستوى تقني عالي الجودة و خلى اللعبة تكون بمنظر تقني مختلف تماما عن اصدار PS2 و 3 ، 16 واحد من العمالقة فى انتظارك مع Shadow Of The Colossus .

اسرار لعبة Shadow Of The Colossus
اسرار لعبة Shadow Of The Colossus

اللعبة كلها عبارة عن Boss Fight فأنت بتقابل عمالقة و بتحاربهم ، عمالقة متنوعين بشكل كبير بأحجامهم و بطولهم المختلفة فمثلاً فى انواع من العمالقة بتعتمد على الطيران و انواع تانية بتعتمد على السباحة و انواع حجمها صغير و سريع و طبعا العمالقة ضخمة للغاية ، كل عملاق منهم له استراتيجية مختلفة مفيش و لا بوس فايت كان متكرر او له نقطة ضعف متكررة ، بالعكس فال 16 بوس فايت كلهم كان لازم تتبع استراتيجيات مختلفة مع كل واحد للقضاء عليهم .

المميز فى قتال العمالقة هو كان اسلوب Platform اللي بصراحة كان ممتاز ، فالتسلق على العمالقة لحد ما توصل الي نقطة ضعف الهدف كان امر ممتع للغاية خصوصاً ان اماكن معينة فقط اللي بتقدر تتسلق عليها و هي الشعر ، لان العمالقة بتلبس درع حديد اللي بيزود من تحدي اللعبة بحيث انك لازم تتسلق على جسم العمالقة من خلال طريقة ما لحد ما تعرف الاستراتيجية و نقطة ضعفه .

اسلوب الـ Combat كان بسيط جدا فمعاك السيف و القوس اللي هما سلاحين مهمين كل سلاح منهم له دور و من خلال السيف فبتعرف مكان العملاق اللي هتحاربه و القوة او ضربات السيف بتعتمد على طريقتك فى ضغط الزراير كل ما تركز فى الضربة كل ما الضربة هتعمل ضرر و طبعاً اثناء التسلق على ضهر العمالقة و لما بيغضبه فابيتحركه بسرعة ، فلازم تمسك بقوة يا اما البطل هيقع على الارض .

تقرير Shadow Of The Colossus
تقرير Shadow Of The Colossus

كمان في مقدار لمدة التحمل على المسك ، فافي وقت معين لامتى تمسك و امتي تقف لكن كل ما تقتل عمالقة كل ما قدر التحمل و الصحة بتزيد ، اهم حاجة لما تقابل عملاق هو انك تعرف طريقة الهجوم عليه و دا بيبقى اشبه باللغز فا طريقة الهجوم عليه بتعتمد على اللاعب بحيث انه يعرف ازاي يتسلق عليه علشان يسدد ضربات بالسيف ، فمحاربة العملاقة بيكون من خلال نقطة الضغف في الرجل او الراس و هكذا ، لكن التحدي اللي بتقدمه اللعبة يكمن فى التسلق علشان توصل للقمة .

اللعبة الحقيقة ممتعة جدا و مليانة تحدي و متنوعة فحتى قتال العملاقة كان متنوع فكل بوس بتقابله بتلاقي فيه اختلاف كبير و لغز جديد ممتع بتحله علشان تقضي عليه ، اللعبة صعوبتها كانت متوسطة فمحاربة العملاقة كانت متوسطة ، احنا ذات نفسنا ختمناها فى 9 ساعات و سواء لعتبوها على PS2 او  3 فلازم تعيدوا التجربة من تاني هتلاقوها اشبه بلعبة جديدة .

 

فيديو التريلر الخاص بلعبة Shadow Of The Colossus :

جرافيك و رسومات لعبة Shadow Of The Colossus :

استديو بلو بوينت رسم و صمم كل شبر فى اللعبة من جديد و بالفعل نجح فى دا فعالم اللعبة ساحر و منظره رائع الالوان و الاضاءة و المناظر الخلابة ، علشان كدة احنا وصفناها بأنها لعبة جديدة مش مجرد Remake .

شادو اوف كلوسس ps4
شادو اوف كلوسس ps4

دا بسبب الاتقان فى تصميم اللعبة و منظر اللعبة تقنياً اللي كان حاجة روعة بصراحة ، المناظر فى اللعبة ممتازة اللي هتجبرك على التجول فيها لمجرد الاستمتاع بمناظر و جمال عالم اللعبة فإعادة تصميم العمالقة و التقنيات الحديثة و المستوى دا من  المؤثرات و دقة التفاصيل كان ممتاز و لو بتلعبوها على برو هتلاقوا مستوى افضل بكتير دا بسبب HDR و 4K وبيئات اللعبة و جمالها على جهازك البرو شكلها اروع .

الصوت و المؤثرات داخل مراجعة لعبة Shadow Of The Colossus :

احلى لحظات واحنا بنعمل مراجعة Shadow Of The Colossus على PS4 لعبة هي الاستمتاع بالساوند تراك اثناء محاربة العمالقة فاللعبة بتقدم موسيقى ممتازة اللعبة مفيهاش نصوص كتيرة و الاداء الصوتي عالي ، لكن اللي كان مميز هو المؤثرات الصوتية اللي نعتقد انها اتعملت من جديد .

تقييم لعبة Shadow Of The Colossus :

لعبة Shadow Of The Colossus لعبة مميزة و قدمت تجربة ممتعة و المطورين نجحوا بتقديم ريميك و قدموها بمنظر تقني ممتاز ، بصراحة لو كل استيديو اهتم بالريميك اللي بيقدمه ، فدا بيقدم تجربة كلاسيكية ممتعة ، و تقيمنا للعبة هو 9.1 من 10 ، الجيمرز محتاجين تجارب كلاسيكية زي كدة

شكرا للمتابعة و اتمنى انكم تتركوا تعليقاتكم و ابهرونا بتجربتكم للعبة على PS4

اترك تعليق

يرجي التسجيل لترك تعليقك

شكرا للتعليق