مراجعة لعبة Shadow of the tomb Raider على الكمبيوتر و البلايستيشن

مراجعة لعبة shadow of the tomb raider
0

مراجعة لعبة Shadow of the tomb Raider – الجزء الجديد من Tomb Raider بعنوان Shadow of the tomb Raider  و تقدر تترجمه ترجمة تقريبية لخيال لصة المقابر ، و لصة المقابر المقصود بيها هنا لارا كروفت و اللي فى الجزء التالت و الاخير من قصتها بتتحول تحول كامل لصورة حيوان البري المفترس اللي بيغطي نفسه بالطين علشان يتربص بالفريسة .

لعبة shadow of the tomb raider
لعبة shadow of the tomb raider

فكرة لو انها ممتازة الا ان استثمار الفكرة دي من المطور ضيع الفرصة لتقديم نهاية قوية للثلاثية العملاقة و سابت منتج نهائي غير متناغم على الاطلاق و مخيب للامل بأقل تقدير ، و كأن الصورة المظلمة للارا كروفت كناية عن الجزء دا ، كأن ما تبقى من الثلاثية العملاقة مجرد ظل لسلسلة Tomb Raider سوف نتطرق لقصة اللعبة الأن من جوال أبس .

قصة لعبة Shadow of the tomb Raider :

لعبة Shadow of the tomb Raider – متفهمناش غلط اللعبة دي مش بالضرورة السيئة لكنها و بلا شك بدرجة اقل من الاجزاء اللي قبلها و اللي فيهم تم إعادة التصور لشخصية لارا كروفت تصور حاز على اعجاب الناس كلها منذ اصداره فى 2013 ، الجزء دا زي ما قلنا بيتبع منحنى نمو الشخصية بتاع لارا كروفت و اللي بدأت مجرد عالمة اثار بتبحث عن لغز ابوها سابه قبل ما يتقتل و بتدفعها الظروف انها تقتل دفاع عن نفسها و بتعدي بعد كدة بشخصية المغامر الصلب القوي المتعدد المهارات فى الجزء التاني و بتنتهي بالصورة اللي فيها Shadow of the tomb Raider  ببساطة رامبو بس مدي على Predator و واخد حقنيتن فان دام .

تختيم لعبة shadow of the tomb raider
تختيم لعبة shadow of the tomb raider

المحبط فى الاخر ان دا لم يتم استثماره بشكل سليم قضينا وقت كبير جدا فى اللعبة دي في مهمات Escort بطيئة جدا كلها ماشية بسرعة الدودة فى اماكن كلها شبه بعض في وسط ناس مفيش حد فيهم مهتم خالص جوة مدينة الصراع السياسي فيها اهبل و مش مفهوم .

أسلوب لعب لعبة Shadow of the tomb Raider :

المشكلة الاكبر ان كل دا متصمم حوالين نظام عقيم متهالك من Talent system و Level Design و User Interface المعوق دا غير Combat غريب جدا بتحس فيها انك محاصر و ان لارا شخصية ضعيفة جدا على العكس من الصورة اللي القصة بتقدمها ، نفس المشكلة اللي حصلت في الجزء الاول من الثلاثية الجديدة دا غير Abilities كنا زمان بنفتحها من Options بتااعة اللعبة و كمان Shotgun اللي بقى ضعيف جدا .

متطلبات تشغيل لعبة shadow of the tomb raider
متطلبات تشغيل لعبة shadow of the tomb raider

دا غير ان هما اصلا مش بيحطوا Encounters كفاية فى Combat علشان تبتدي تستثمر الشخصية الجديدة بتاعة Tomb Raider في مشكلة قوية جدا فى الاتزان بتاعة اللعبة دي نعتقد لو هتبص على Bitpictuer هتلاقي انها مشكلة بولش فى الاساس و كل حاجة فى اللعبة دي ناقصها حتة ، مثلاً ان النظام بتاع الاكروباتكس مليان بالـ Bugs بتخليك تتكفي على وشك و تموت من غير ما تعمل اى حاجة غلط .

و النظام بتاع الماب مش هتفهم منه اي حاجة و مش هتبقى عارف تروح فين و ايه الحاجات اللي انت خلصتها و ايه الحاجات اللي انت مخلصتهاش ، احنا خلصنا اللعبة كلها صحيح من غير مشاكل جزرية و مستمتعناش باللعبة بصراحة غير لما ابتدينا نلعب الالغاز اللي فى المقابر بس المهمات بتاعة اللعبة كلها شبه بعض و تحس ان مفيش اي ابداع او افكار جديدة في الجزء دا ، كله Rehash من الحاجات اللي اتعملت فى الاجزاء اللي فاتت من غير اي لحظات صادمة تسخن الاحداث .

متطلبات لعبة shadow of the tomb raider
متطلبات لعبة shadow of the tomb raider

من احد الانظمة المضحكة بصراحة فى الجزء دا بالذات وانت تحت الماية هو فكرة Stealth من سمك البيونا و مش فاهمين ازاي يعني كائن بيقدر يشم ريحة نقطة الدم  في 200 لتر ماية مش هيشوفك و انت مستخبي وسط الطحالب واحدة من الغلطات المتخلفة جدا و الدليل على كسل المطور فى البحث على جوجل عن معلومة زي دي في اقل من 5 ثواني ، وطبعا دي صورة صغيرة من الاهمال الكبير فى التنسيق اللي حصل في الجزء دا و بيوصلك قد ايه ان المطور كان عاوز يخلص و يقلب و ينشر و خلاص .

جرافيك و رسوميات لعبة Shadow of the tomb Raider :

Shadow of the tomb Raider  لعبة مش وحشة لانها معمولة بنفس المحرك بتاع الجزئين اللي فاتوا لكن برضه علشان نكون واضحين اللعبة دي مش هتنزل فى قايمة افضل 10 العاب لعبناهم السنة دي ، لو عجبك الجزئين اللي فاتوا فهتلاقي حاجات كتير هتعجبك فى الجزء دا بالذات المقابر و الالغاز بتاعتها بس غير كدة مننصحكش انك تبدأ اللعب من الجزء دا .

مراجعة لعبة shadow of the tomb raider
مراجعة لعبة shadow of the tomb raider

لان واضح ان فى اهمال جدا فى التفاصيل و طلسقة واضحة جداً فى التصميم بتبان من اول توزيعة Abilities لحد خريطة العالم نفسه ، الا ان القصة مع ان فيها فكرة حلوة لكن الفكرة متمش استثمارها بالشكل السليم و سابت ذكري مؤلمة لنهاية سلسلة Tomb Raider الجديدة .

تقييم لعبة Shadow of the tomb Raider :

واضح اننا وصلنا لنهاية الثلاثية التحفة دي و الحقيقة اننا استكفينا منها و محتاجة تطور من افكارها مع عودة مميزة بنفس عودة جزء 2013 الجزء التالت فهو جيد و ممكن تنتظر خصم عليه او تجبوه مستعمل فالتجربة نفسها مكانتش كافية لكن اكيد المغامرة نفسها رائعة و ممتعة جدا ، السلسلة دلوقتي محتاجة انها تقف بأي شكل حتى يتم تقديم افكار جديدة مختلفة ولازم دا يتم مع اطلاق اجهزة الجيل القادم ، و تقييمنا للعبة هو 8.5 من 10 .

بنشكركم على متابعة موقع جوال أبس و بنتمى انكم تتركوا ارائكم فى التعليقات عن اللعبة و التجربة المميزة اللي وصلتوا ليها .

اترك تعليق

يرجي التسجيل لترك تعليقك

شكرا للتعليق