مراجعة لعبة starcraft 2 على الكمبيوتر الأكثر مغامرة ومتعة

مراجعة لعبة starcraft 2
0

مراجعة لعبة starcraft 2 – من أكثر ما يميز لعبة starcraft 2 أنها بقت مجانية و رغم انها واحدة من اقدم الالعاب الاستراتيجية الا انها اخر لعبة استراتيجية حلوة نزلت و للاسف مفيش العاب قدرت تتخطاها لحد انهاردة .

لما عرفنا الخبر قررنا اننا نلعبها تاني و نعرف ليه بالظبط لحد انهاردة رغم التكنولوجيا اللي تحت ايدينا ، الا اننا مش لاقيين العاب استراتيجي تتفوق على لعبة نزلت من 7 سنين وفريق عمل جوال أبس هيقدملكم تفاصيل اللعبة .

قصة لعبة starcraft 2 :

لعبة starcraft 2 بتعيش فيها قصة كابتن احد السفن الفضائية اللي بتقود العالم في ثورة ضد الديكتاتور اللي بيحكمها في نفس الوقت بيواجه خطر مرعب اسمه الزيرج كائنات فضائية بيتحكم فيها هايماين واحد هدفها انها تقدي على كل الكائنات التانية.

الشخصيات فى اللعبة ببساطة شديدة هي كل ما تتوقعه من شركة بليزرد في قصة متقلش في الاثارة و الجرافيك عن الحاجة فى الوقت اللي اللعبة نزلت فيه بعيداً عن اي حاجة بتلمسها بليزرد بتتحول دهب ، اما لحظنا حاجة مهمة جدا و احنا بنلعب اللعبة دي و هي ان لاول مرة من سنين نستنى بشغف كبير جدا الوقت اللي هنرجع نلعب فيه اللعبة .

اسلوب لعب لعبة starcraft 2 :

العالم في اللعبة مليئ بالاحداث الشيقة جدا و البسيطة جدا و بيخليك سهل بأنك ترتبط بالاحدااث و بتعيش معاها حاجة بنفتقدها في تقريبا 90% من الالعاب الحديثة كلها ، شئ عبقري ان اللعبة فيها اكثر من سستم و خط للاحداث و مع ذلك بتبقى قاعد مركز معاهم كلهم اينعم اللعبة خطية و مع ذلك مبتلقيش قدامك غير انك تعمل زي ما موجود قدامك فى اللعبة ، الشخصيات كمان سهل تتعاطف معاها متصممة بشكل ممتع جدا.

المهمات بتحصل فى اماكن كل مكان منهم ليه قصة بتترجم لسستم جيم بلاي مختلف ، و حتى الشخصيات اللي بتلعب بيها كل واحد ليه شخصية مختلفة و كل شخصية متمثلة مع نوع السلاح اللي بتستخدمه زي سواقين الدبابات صوتهم خشن المهندسين صوتهم ميكانيكي سواقين الطيارات بيتكلموا بنغمة اسرع شوية كل شخصية من دول ليها باك ستوري مختلفة حتى لو مفيش ليها دور فى القصة.

لعبة starcraft 2
لعبة starcraft 2

كل دي تفاصيل صغيرة بتخليك تصدق العالم اكتر حتى لو كان العالم دا خيالي مليان تخاريف و كائنات فضائية بس الشخصيات دي بتدي طابع انساني مألوف بيخلي عمل زي دا نقدر نرتبط بيه اكتر من اي لعبة واقعية زي Assassin’s Creed .

تقييم لعبة starcraft 2 :

العالم اللي اتعملت فيه لعبة starcraft 2 عالم مخيف و مليان بالعنف بس مش بيخجل انه يقدم شخصيات فيها سخافات و ابتسامات لطيفة زي اي عمل فني عظيم starcraft 2 فيها روح و واقعية بتربطك بيها و جانب انساني لذيذ جدا.

للاسف الكتير من المصممين فاكرين ان الجانب الانساني هو موت و معاناه و ناس بتتكلم بجد طول الوقت ، لكن محدش ادرك ان الجانب المرح السخيف احيانا هو اللي بيبين الجانب المظلم زي ما ادركته شركة بليزرد ، و علشان كدة نعتقد ان النفسية فيه مش مجرد ميكانكس للالعاب الاستراتجي و انها بتوحشنا اكتر شخصية الالعاب دي .

شكراً للمتابعة و للمزيد عن عالم الالعاب خليكم معانا على جوال أبس 

اترك تعليق

يرجي التسجيل لترك تعليقك

شكرا للتعليق