نقاش و ملخص مؤتمر Bethesda فى E3 2018

ملخص مؤتمر Bethesda فى E3 2018
0

ملخص مؤتمر شركة Bethesda فهو اسواء مؤتمر فى تاريخ الشركة مؤتمر ممل و مقدمش شئ يذكر ، لعبة Rage 2 شوفنا ان عالم اللعبة ضخم للغاية و بيئات منوعة بشكل ممتاز لكن AI سئ جدا ، بس السؤال استكشاف عالم بالضخامة دي هيكون شكله ازاي مع اللعب بمنظور اول بتعتمد على الـ Shooting عامة Gameplay عاجبنا جدا و دي افضل لعبة فى المؤتمر كله وتقدر تعرف ايه اللي حصل بالظبط من خلال موقع جوال أبس .

رأينا و انظباعنا عن مؤتمر شركة Bethesda فى E3 2018 :

ملخص مؤتمر Bethesda  – اعلنوا عن Doom Eternal بعرض تشويقي بسيط من غيراى تفاصيل هننتظر لشهر اغسطس علشان نعرف حاجة عنها اضافة الي Wolfenstein 2 Youngblood هنلعب ببنت BJ و Fallout 76 وهنا تيجي الصدمة انها لعبة فكرتها اون لاين لكن تقدر تلعبها لوحدك لكن هتكون اصعب بصراحة شئ صادم واضح ان Bethesda اكبر الداعمين للالعاب القصصية عاوزين يجربوا و يتجهوا و يتوسعوا للاون لاين هو عموما فكرة ممتازة من Bethesda .

و اللعبة بتحاول ترضي جميع الاذواق فاللي عاوز يلعب اللعبة Solo و اللي عاوز يلعبها مع مجموعة و طبعا هتقابل لعبين تانين و هيدمروك هي فيها افكار جميلة فاللعبة اكبر من Fallout 4 بأربع مرات و احداثها قبل السلسلة كلها بس احنا عاوزين نعرف عناصر RPG هتكون عاملة ازاي هل هيكون فى قرارات و لا لا و القرارات هتكون فى اللعب الفردي و لا الجماعي و لا فى الفردي بس و بتأثير على النهايات زي الجزء الرابع و لا هتكون شكلها ازاي .

فى نسخة بيتا هتنزل و اللعبة هتنزل فى 14 نوفمبر لحد دلوقتي المؤتمر كان مقبول لكن حصل كلام كتير و حاجات احنا فى غنى عنها زي العاب MMO و العاب موبايل و حاجات ملهاش اى لازمة ، و المؤتمر انتى عن عرض لعبة StarFeild بعرض تشويقي بسيط و اعلنوا عن لعبة Elder Scrolls 6 بعرض تشويقي قصير و الاتنين لاجهزة الجيل القادم و اللي بصراحة ليه مش عارفين ينعلنوا عنهم من دلوقتي .

هل اجهزة الجيل الحالي على وشك انها تنتهي بس احنا متوقعين ان واحد فيهم هتنزل على الجيل دا و الجيل القادم و التانية نعتقد انها هتكون Elder Scrolls 6 هتكون مع اطلاق الجيل القادم و تنزل في 2020 مثلا ، اصل شركة Bethesda استحالة تنزل لعبيتين على الجيل الجديد و تستغنى عن الجيل دا اللي عددهم هيكون اكبر بكتير من ملاك الجيل القادم .

فواضح ان الجيل القادم جي بسرعة فممكن ان يعلن عنه فى E3 2019 بس الشئ اللي احنا متأكيد منه ان فى مؤتمر Sony مش هيعلنوا عن اى حصريات جديدة لـ PS4 و واضح ان Sony هتعلن عن الـ PS5 فى E3 2019 و هينزل مثلا فى اخر 2019 او بداية 2020  مستغربين ان Bethesda تبدأ تسوق من دلوقتي لاجهزة الجيل القادم و قبلها مايكروسوفت كمان تلمح للجيل الجديد إظاهر ان الجيل الحالي على وشك انه ينتهي و الجيل القادم جي بأسرع  ما يمكن .

عموما هو دا انطباعنا عن مؤتمر Bethesda و بنشكركم على المتابعة و قولو لنا برضه رأيكم عن المؤتمر فى التعليقات .

اترك تعليق

يرجي التسجيل لترك تعليقك

شكرا للتعليق