نقاش و ملخص عن مؤتمر Ubisoft فى E3 2018 مع تقديم أقوي لعبة للموسم

0

مؤتمر يوبي سوفت E3 لعام 2018 – بالنسبة لنا يتلخص فى حاجة واحدة فقط Assassin’s Creed Odyssey هي مفاجأة المؤتمر ، مؤتمر يوبي سوفت كان مؤتمر محبط احنا عامة كنا متوقعين ان مش هيكون في اى العاب جديدة منه.

و اللي اكد لنا دا مايكروسوفت و باسيسدا لما قرروا يتكلموا عن الجيل الجديد ، فمن الواضح ان يوبي سوفت بتوفر العابهم للاطلاق مع الجيل الجديد ، فزي ما قولنا عن الانطباع فى مؤتمر باسيسدا ان الجيل الجديد قادم بشكل اسرع مما نتخيل فالكل بيخبي العابه الجديدة علشان يطلقوها مع اجهزة الجيل الجديد .

نقاش و ملخص عن مؤتمر Ubisoft فى E3 2018 :

ملخص مؤتمر يوبي سوفت E3 لعام 2018 – فمؤتمر يوبي سوفت مكنش قد التوقعات خالص مفيش فيه لعب جديدة حتى لعبة beyond good and evil 2 شوفنا ليهم عرض سينمائي بيوضح فيه افكار ممتازة لكن عملية تطوير اللعبة بطئية جدا .

اللعبة مش مفهوم هي عاوزة تقدم ايه هل هي لعبة اكشن عالم مفتوح و مغامرة بعناصر RPG ، و شخصية Jade رجعت اللعبة و دي كانت بطلة الجزء الاول بس الغريب انهم قالوا ان اللعبة احداثها قبل الجزء الاول و قبل ولادة Jade فواضح ان اللعبة هتكون للجيل القادم او هتنزل على الجيل دا و الجيل الجديد .

لعبة Skull and Bones
لعبة Skull and Bones

المؤتمر كان ممل كان مليان كلام كتير وبصراحة كان نفسنا يعلن عن اى العاب 2D Plateform ، مشكلة مؤتمر يوبي سوفت هو انه كان بيركز على العاب الاون لاين اكتر يعني عرض من لعبة The Division 2 لعبة Skull and Bones كل الالعاب دي موجهة للاون لاين حتى The Crew 2 ، فكنا نتمنى انهم يقدموا لعبة قصصية تانية بجانب Assassin’s Creed بس للاسف كل الشركات متجهة نحو الاونلاين علشان نجاحة مضمون .

لعبة The Division 2
لعبة The Division 2
لعبة The Crew 2
لعبة The Crew 2

اما بالنسبة لـ Assassin’s Creed Odyssey فهي افضل لعبة فى مؤتمر يوبي سوفت كله فترة اليونان عجبانا جدا و انك بتختار تلعب بذكر او انثى دي فكرة ظريفة جداً الي حدا ما اكيد طبعاً ان الناس مش عاجبها انها قدمت نفس رسومات جزء اورجينز.

لعبة Assassin’s Creed Odyssey
لعبة Assassin’s Creed Odyssey

و قالوا ان اوديسي المفروض تكون اضافة بدلاً من لعبة بصراحة شئ مضحك اضافة ازاي و هما صمموا عالم جديد فى اليونان ، و اصلاً Origins تعتبر لسة جديدة و محرك اللعبة لسة جديد فإزاي عاوزين جزء Assassin’s Creed Odyssey يتبني من جديد بمحرك جديد مكلف بطريقة رهيبة بصراحة كلام غريب.

يمكنك التعرف على مراجعة لعبة Assassin’s Creed Odyssey الجديدة على الكمبيوتر

ما هو لازم Assassin’s Creed Odyssey تكون بنفس الـ Mechanics و نفس محرك جزء Origins زي ما الجزء Brotherhood و Revelation و Rouge ما كانوا بنفس Mechanics الاجزاء الرئيسية حتى Unity و Syndicate كانوا بنفس المحرك ، فاللي احنا مهتمين بيه فى جزء اوديسي اننا نشوف عناصر الـ RPG هتكون ازاي و قرارات اللاعب هتأثر ازاي على الموقف و النهاية .

يعني كان فى مشهد بتختار تحارب او متحاربش فإيه اللي هيحصل لو اختارت انك متحاربش هل مثلاً هتخسر شخصية مهمة فى اللعبة و لا الموقف مش هيكون له تغيير او مجرد قرارات سطحية ملهاش اى تأثير فدا اللي احنا عاوزين نعرفه بس لازم نوضح نقطة مهمة ان القرارات مش هتكون فى تغيير التاريخ القرارت هتكون فى حوارت معينة ملهاش اى علاقة بالتاريخ .

بيئة اللعبة عجبانا جدا عجبنا عالم اليونان و عالم سبارتا نتمنى انهم يقدموا مهمات جانبية ممتعة و متكونش زي اورجينز كلها هدف واحد و برضه طالما اللعبة بقت RPG بنسبة 100 %  فلازم نشوف شخصيات و حوارت ممتازة فمع الاسف الشخصيات بتكون سيئة مفيهاش اى ابداع مجرد دور بتنفذه و خلاص خالية من اى ابداع فلازم الشخصيات الثانوية يكون ليها دور ممتاز و حوارات مسلية و كمان يربطوها بالمهمات الجانبية زي Witcher 3 مثلاً .

و القصة نتمنى اننا نشوف قصة محترمة بحوارات و كتابة ممتازة و قصة عصر حديث كمان تكمل مصير ليلي حسن ، و عامة احنا لينا قاعدة تانية بخصوص Assassin’s Creed Odyssey ، دوسوا على زر الجرس اللي موجود فى الجنب دا علشان يوصلكم كل الجديد ، نشكركم على المتابعة .

اترك تعليق

يرجي التسجيل لترك تعليقك

شكرا للتعليق