مراجعة لعبة ThroneBreaker The Witcher tales

0

مراجعة لعبة ThroneBreaker The Witcher tales  – ThroneBreaker The Witcher tales هي مفاجاة غير متوقعة من شركة سي دي بروجكت ريد متمش الاعلان عنها فى مؤتمر E3 اللي فات ماشوفناش ليها Trailer يعلي الهايب و ماسمعناش عنها اي حاجة غير من اسبوعين بس .

 ThroneBreaker The Witcher tales
ThroneBreaker The Witcher tales

لكن بعد 50 ساعة لعب و بعد ما خطفتنا لمدة اسبوع كامل ماشوفناش فيها غير 75% بس من اللعبة ، فالوقت اللي في عندنا العاب زي Call Of Duty Black Ops 4 مستنينه تتراجع ، قررنا ان اللعبة دي تستحق مراجعة لوحدها ، و مش كدة بس كنا قولنا ان Assassin’s Creed Odyssey هي افضل لعبة RPG السنة دي لان مفيش منافسة لا معلش نحب نسحب الكلمة دي وهنتكلم عن اللعبة بالتفصيل من جوال أبس .

لعبة  ThroneBreaker :

مراجعة لعبة ThroneBreaker The Witcher tales –  من اللاشئ سمعنا ان فى لعبة اسمها ThroneBreaker بنفس المطور اللي عمل The Witcher و قولنا فى عقل بالنا اكيد لعبة حلوة ، الا اننا اتفاجئنا بشئ مكناش نتوقع اصلاً انه يعجبنا اولاً Classic RPG و معتمد فى القصة على الاختيارات كل دا متعودين عليه شوفناه قبل كدة في العاب تانية حلوة زي The Banner Saga لكن التويست هنا ان الكومبات بدل ما تكون Turn Passed بقت CCG يعني لعبة كروت زي HearthStone .

 مراجعة لعبة ThroneBreaker The Witcher tales
مراجعة لعبة ThroneBreaker The Witcher tales
بس الجميل الحقيقة فى ThroneBreaker مش بس Gameplay و لكن في حاجة بتخليها اقوى من The Witcher 3 الا و هي القصة تخيل بقى .

قصة لعبة ThroneBreaker :

لعبة ThroneBreaker بتحكي قصة الملكة ميف ملكاة Lyria & Rivia مملكتين موجودين فى الشمال ، المملكة المتحدة في الجنوب بتقوم بعمليه غزو للشمال و بتخلي التابعين بتوع ميف يخونوها و يسلموا المملكة ، ميف بتبدأ تهرب مع مجموعة صغيرة و تجمع جيش جديد يمشي وراها و تحاول تسترد العرش بتاعها فى مغامرة ملحمية من اجمل المغامرات اللي لعبنها فى حياتنا .

 نزول لعبة ThroneBreaker The Witcher tales
نزول لعبة ThroneBreaker The Witcher tales

ميف بتمر بأكتر من مكان فى الرحلة بتاعتها كل مكان فيهم رغم المأساه اللي بتمر بيها ليه شكل جمالي بيبان كل ما الكاميرا تبعد و توريك لوحة فنية مختلفة للمكان اللي انت داخل فيه ، الحقيقة ان اللعبة كلها لوحة فنية كبيرة بتلاحظ جمالها فى شكل خريطة و وشوش الاشخاص و حتى الانيميشن بتاع الكروت .

وصف لعبة ThroneBreaker :

لو هنتكلم Technical اكتر في وصف اللعبة فإنت بتتحرك جو عالم اللعبة بشكل Isometric ، بس لما بتقابل تحدي او Combat بتبدأ تغير المشهد الي طاولة Card Game ، المواجهات اللي انت بتقابلها جو العالم اما بتكون كومبت عادية من 3 جوالات او Special Combat من جوالة واحد بقوانين معينة او بازل بكروت مختلفة عن المجموعة اللي معاك .

الكارد بلاي فى اللعبة اينعم مبيصعدش لمستوى الجودة و البساطة بتاعة HearthStone لان الكروت فيها Text  كتير و معقدة شوية بعض الاحيان لكن بكل المقاييس افضل تصميماً من Magic the Gathering زي ان المواجهات بتاعك Puzzles ممتعة جدا الحقيقة .

لكن الجيم بلاي عموماً ما هو الا سيارة شايلة الاحداث بتاعة القصة و عامل مهم فى التأثير الدرامي المستخدم كويس أوي ، الشخصيات فى اللعبة دي بصراحة فوق الوصف ميف بتقابل موجودة من افضل الشخصيات تأثيراً اذا كانوا اصدقاء او اعداء او حتى شخصيات عشوائي فى مواقف جانبية دا غير السيناريو بتاع الولاء و الخيانة اللي بتتعرض ليها ميف عشرات المرات اثناء رحلتها حتى الاختيار فى اللعبة دي من امتع انواع الاختيارات ، الحقيقة الاختيارات كلها متلخصة فى جملة واحدة تسمعها فى اللعبة و حسيت انها بتتكلم عني شخصياً الا و هو The Queen was too tired of all was choosing the lesser of too evil و اللي بيدل على مدى خبرة اللي كتب السيناريو بتاع اللعبة دي .

تقييم لعبة ThroneBreaker :

بإختصار شديد لعبة ThroneBreaker بتحكي مغامرة ملكة اتعرضت للخيانة و بتقوم برحلة طويلة تسترد فيها العرش بتاعها ، الكارد بلاي بتاع اللعبة ممتع جدا مش Prefect زي Hearthstone لكن افضل بكتل من Magic the gathering .

لكن اللي بيخليها تتفوق كلعبة RPG الحقيقة هو الشخصيات اللي في القصة ، المواجهات الصعبة اللي بتواجهها شخصية البطلة و الاختيارات الصعبة اللي عمرها ما كانت ابيض و اسود خالص طول اللعبة ، لو عاوز لعبة RPG تتسحل فيها الاسبوع دا و ليك فى الالعاب بتاعة الكروت و بتحب العالم بتاع The Witcher مفيش لعبة ننصحك بيها اكتر من اللعبة دي ، و تقييم اللعبة 8.0 من 10

شكراً للمتابعة و للمزيد عن عالم الالعاب خليكم معانا على جوال أبس 

اترك تعليق

يرجي التسجيل لترك تعليقك

شكرا للتعليق