أفضل 10 ألعاب للكمبيوتر و الأكس بوكس و البلايستيشن فى مؤتمر E3 2018

0

أفضل 10 ألعاب للكمبيوتر فى مؤتمر E3 2018 – معرض E3 انتهى و جيه الوقت اللي نشاركم الـ Top 10 و الكشف عن افضل العاب تم الكشف عنها و استعراضها فى مؤتمر E3 2018 هنا فى جوال أبس .

Gears Of War 5 :

مؤتمر E3 2018 – مايكروسوفت اخيراً بدأوا يفهموا ان الالعاب مش مجرد طاخ طيخ و لكن لازم يكون فى حاجة اسمها مشاعر حاجة اسمها لحظات مؤثرة و لحظات درامية Gears 5 هتقدم دا اخيرا مع انيمشين رائعة و تفاصيل وشوش ابداع ، Gameplay منظنش انه هيتغير ولكن نتمنى اننا نشوف الشخصية الجديدة تكون جذابة و دورها مميز و اضافة ماركس فى الجزء دا فهو ميزة في حد ذاتها ، لان شخصية مميزة زي دي لازم يتم الاستفادة منها بدور يكون له حكمة كدة .

death stranding :

اكيد تستحق مركز افضل من كدة لكن هي فين اللعبة كوجيما مستمر بتشويق اللاعبين و محدش عارف دا هيبقى لحد امتى ، اللعبة تستحق انها تاخد افضل مستوى لتعبيرات للوشوش و تفاصيل الشخصيات اللي ممتازة جدا لكن البيئة مفيهاش مجهود يذكر حتى لو بصيتوا على حركة الشجر او الحشائش فهي منعدمة او مش واقعية و بترقص و مش بتتأثر بالرياح.

و العرض اللي ظهر فهو Gameplay بالمناسبة و واضح ان اللعبة ضخمة جدا بس برضو عاوزين نفهم هي ايه ، و كوجيما بيقول ان القتال فى اللعبة اختياري لكن بينصحنا منقتلش حد و فيها اختيار كتير للمعارك و اللعبة بتركز على الاستكشاف اكتر .

Ori and the Will of the Wisps :

لعبة Platform الرائعة اللعبة بتستمر بنفس الابهار بتاع اول جزء الرسومات بصراحة ممتازة و عناصر البلاتفورم فتم تحسينها و اضافة مميزات جديدة و قدرات جديدة ايضاً ، و متحمسين جدا نشوف عناصر المتروادفينا و استكشاف العالم الممتاز جدا .

Dying Light 2 :

استديو ديكلاند هو استديو مبدع لانه ببساطة قدم افكار ممتازة فى لعبة زومبي بالرغم من ان الافكار دي مش ماشية مع طبيعة اللعبة بس برضه كانت افكار ممتازة فمثلا ، ايه اللي يربط بين الباركور و الزومبي هو ولا حاجة ، لكن ان الفريق المبدع فعرف يقدم افكار و هي دي العاب الزومبي العالم المفتوح اللي عرفت تحط افكار مميزة ، اما لو هتعمل زي Dead Rising و هي اقتل من غير ما تفكر فلعبتك يا معلم هتفشل.

لعبة Dying Light 2 هتقدم اختيارات مصيرية و ليها تأثير على عالم اللعبة ، فمثلاً لو في ناس تسطرت على الجرائم بتاعتهم هتخلي شكل المدينة كئيب و الحالة الصحية سيئة و الماية قليلة ، اما لو فضحتهم او قتلتهم فهيبقي في سلام فى المناطق و طبعا بليل هتكون لعبة مختلفة خالص زومبي اقوى و اعداد اكتر و اسلحة مميزة هتبقى بليل بس .

The Last of Us Part II :

لحظة الكشف عنها الناس كان ممكن تنبهر بالعرض لكن بسبب مشهد كدة الجماهير كانوا فى حالة صمت تام حتى لما انتهى العرض الناس مقدرتش انها تسقف ، فالاستديو مع الاسف ضيع مجهوده فى مشهد مكنش ليه اي لازمة انه يتحط ، اما بالنسبة للعبة فإحنا عاملين ليها مراجعة مخصوصة و ناقشنا التفاصيل فيها نتمنى بس نلعب بجون و ويل تموت و نخلص منها علشان شكلها بقى وحش جدا و دا جايز غضب من ربنا .

Metro Exodus :

ارتيو مستمر بقوة مع الحرب النووية الروسية و اللعبة قدمت بيئة ممتازة و منظرها رائع للغاية فهي بتجسد تأثير الحرب النووية بطريقة مميزة فهتقدم عالم مدمر و وحوش غريبة و عالم اللعبة بقى اكبر و قابل للاستكشاف و اللعبة هتقدم كذا اختيار لطريقة لعبك ، فممكن تلعبها اكشن او استيلز او متقتلش حد خالص بس طبعا دا له تأثير على عالم اللعبة و النهايات .

Ghost of Tsushima :

لعبة الساموراي و العالم المفتوح اسلوب القتال عاجبنا جدا بصراحة ، المطورين وصفوا القتال في اللعبة انه بيعتمد على مهارات اللاعب و انهم استعانوا بمتتخصصين فى فن المبارزة لان اللعبة هتقدم اشتباكات و مبارزات عالية الدقة و هيقدموا مبارزات السيف بطريقة واقعية.

بس مع ذلك فالمطور بيدي حرية للاعب بأنهم يلعبوا Stealth او بأسلوب الساموراي و أسلوب Hack And Slash بالرغم من انه مش بيعتمد على السرعة زي العاب Devil may Cry مثلا و دي ميزة الحقيقة و توجه مختلف ، اللعبة من الواضح انها هتكون نقلة مختلفة من حيث الرسومات و التوجه الفني الممتاز و المظهر الياباني متجسد بشكل ممتاز ، فالتفاصيل ممتازة الحقيقة حركة الشجر و تساقط اوراق الشجر و تفاصيل الزرع و البيئة خلابة .

Resident Evil 2 Remake :

احنا من الناس اللي كانوا مستنين اللعبة دي بشدة و ادي كابكوم اخيراً العنت رسمي عنه و الجماهير كانت في لحظة ذهول الجزء التاني الكلاسيكي تم إعادة تصميمه بالكامل و غير الميكانكس و الكاميرا و الشخصيات و ظبط اللعبة من الاخر و الرسومات اتحسنت بشكل كبير .

و بصراحة عاجبنا كدة تأثر الزومبي بالضربات و قدم عناصر جديدة للبقاء و التصويب و اللي بالمناسبة التصويب شكله هيبقى صعب جدا و شكله الي حدا ما هيبقى زي الجزء الرابع ، الجزء التاني هيبقى رائع و هيعجب الناس اللي مكنوش راضيين عن الجزء السابع ، عموما كابكوم لازم يتجهوا للـ Remake العابهم الكلاسيكية نتمنى عودة برضه الجزء التالت من نفس اللعبة .

Cyberpunk 2077 :

مينفعش نعمل قائمة زي دي و اللعبة دي متكونش فيها ، عالم ضخم منتظرك مع ام بي سيز كتير جدا و بتفاعلوا مع العالم بشكل غريب ، و ليهم تصرفات وشصيات فريدة و تقدر تتكلم معاهم و اسلوب الحوار معاهم عميق ، و عموما احنا واثقين جدا بإستديو CD Project و واثقين باللي هيقدموا معندناش اي تخوف عنها حتى و ان كانت منظور اول معندناش مشكلة خالص بده ، و هنلعبها بالطريقة اللي المطور شايفها صح ، و بالمناسبة احنا عاملين فيديو بالتفصيل و بناقش فيه الافكار و التفاصيل اللي هتبقى موجودة ،

Sekiro: Shadows Die Twice :

اللعبة دي كانت مفاجأة المؤتمر المخرج كوازاكي المبدع دايماً عنده افكار جنونية لالعابه ، هي ممكن متكونش لعبة سولز متكاملة لكن المخرج عارف بيقدم ايه ، هي مزيج من Souls و لعبة قديمة اسمها تانشي و بتلعب بواحد نينجا فى اليابان فى القرن 16 و اللعبة ضخمة Level designe مشابهة لـ Souls و هتقدم Gameplay و Combat سريع و عناصر Stealth و طبعا الصعوبة و التحدي الجامدين جدا و اللي على كلام المطور هتكون اصعب من الالعاب اللي فاتت و هتموت كتير جدا فى اللعبة.

و اللعبة فيها افكار كتير جدا ممتازة زي لما بتموت ينفع تصحى و تتحي من تاني ، يعني بتصحى و بتكمل من نفس المكان اللي مت فيه و وجود الخطاف اللي هتستخدمه للتسلق ، و اللعبة مش هتقدم اي كرسات زي Dark Souls و مفيش اي تطوير للشخصية حتى مفيش Stamina و هتركز على صد ضربات الاعداء بالسيف ، هتقابل فى المعارك زعماء عمالقة و هتضطر انك تجري منهم .

عموما هي دي المراجعة و قول لنا من وجهة نظركم  في التعليقات ايه افضل كشف شفته فى المؤتمر او مفاجأة المؤتمر بالنسبة لك .

في النهاية Sekiro: Shadows Die Twice هي افضل استعراض تم في E3 2018 و موعدنا معاها فى بداية 2019 .

اترك تعليق

يرجي التسجيل لترك تعليقك

شكرا للتعليق