مراجعة لعبة Unravel Two على الكمبيوتر و بلاي ستيشن 4 و إكس بوكس ون

مراجعة لعبة Unravel Two
0

مراجعة لعبة Unravel Two –  الجمال و البساطة بيستمروا مع الجزء التاني من Unravel  لعبة المنصات صاحبة الرسومات العظيمة فكل الشكر لشركة EA او برنامج اورجينز Origins اللي بيدعم ألعاب من تطوير استديوهات مستقلة زي Away out وعشان كده هنقدملك كل تفصيلة فى اللعبة من جوال أبس .

اسلوب اللعب في لعبة Unravel Two :

فى 2016 استديو مستقل اسمه Coldwood قدم تحفة فينه اسمها Unravel و اللعبة حازت على اراء جيدة و في مؤتمر EA لسنة 2018 أعلن عن الجزء التاني و اللي صدر فى نفس لحظة الاعلان عنها و هي بصراحة كانت مفاجأة ، لعبة Unravel Two بتستمر بفكرها المميز و بألغازها الممتعة للغاية ، اللعبة قدمت افكار جديدة الي حدا ما و لكن بتستمر بنفس اسلوب حل الالغاز الي حدا ما و اللي تم تحسينه بشكل أكبر .

و اللعبة ضافت شخصية تانية للعب و اللي ممكن تلعب اللعبة كلها لوحدك او تلعبها بـ Local Co-op  بحيث انه يكون معاك على نفس الجهاز و تلعبوها سوا مع كنترولر تاني طبعاً ، مع الاسف مفيهاش اونلاين يعني مينفعش تنضم مع صديق و تلعبوها بنظام Host للاسف مفيش اونلاين اتمنينا لو كان اتقدم دا زي لعبة Away Out و بصراحة الناس كلها بتشتكي من الموضوع دا ، احنا فى 2018 يعني لازم يكون فى Online Co-op فنتمى فريق ColdWood Interactive يكون عنده نيه في تقديم الاونلاين فى المستقبل و اللعبة محتاجة دا بالفعل .

Unravel Two قدمت افكار مميزة و مليئة بالتحديات و الالغاز ، و حل الالغاز بيبقي من خلال يارني او الخيط اللي بتتحكم فى الشخصيتين فى وقت واحد و بتحل الالغاز من خلال التحكم و التحويل من شخصية لاخرى ، و طبعا اللاعب مش مضطر انه يحول و يحرك كل شخصية كل شوية فاللعبة بتقدم فكرة بأنك تضم الخيط و تتحرك بشخصية واحدة لكن مربوطة بالشخصيتين .

اما لو بتلعبها Co-op فاللاعب الاخر هيساعدك فى حل الالغاز بشكل افضل و هتسهل حل الالغاز اكتر ، فالتعاون فى حل الالغاز سواء كنت بتلعبها مع حد قريب او لوحدك فهو قدم نقلة ممتازة للعبة و خلى الغازها و حلها تكون اكتر متعة من الجزء الاول .

فإنك تختار مثلا مين اللي ينط او يواجه المصايب او مين يعمل الكوبري و مين ينزل تحت النار و التعاون دا كان رائع ، فا دا ادنا إحساس انها لعبة رائعة و طبعا الضحك و الهزار اللي كان يعتبر لعبة تاني لوحدها ، فأنت اه هتموت كتير و هتستمتع جدا بدا و طبعا التفكير فى حل الالغاز اللي هيكون تحدي كبير ليك و لصحابك اللي بتلعب معاه .

قصة لعبة Unravel Two على الكمبيوتر و البلايستيشن و الأكس بوكس
قصة لعبة Unravel Two على الكمبيوتر و البلايستيشن و الأكس بوكس

الالغاز فى اللعبة ممتعة و هي مكنتش صعبة اوي لكن البعض هياخد منك شوية وقت لحد ما تحله ، و اللعبة متغيرتش كتير عن الجزء الاول فى طرق حلك للالغاز تقريباً نفس الطريقة فهي مثلا تعمل كوبري او تربط حاجة و تحركها مع عناصر التسلق و القفز لكن اللي كانت مميز فعلاً هو اضافة شخصية و طبعا لو كان فيها اون لاين كانت هتبقى حاجة مختلفة و طبعا الالغاز و الليفل مختلفين عن اول جزء .

و اللعبة قدمت افكار كتيرة و منوعة فى الالغاز على عكس الجزء الاول اللي سبب ملل فى اخر كام شابتر ، الجزء التاني الغازه و المراحل و حتى المطاردة و السرعة فى الهروب كانت أفضل بكتير و طبعا كل دا خدمه التعاون ، اللعبة ممتازة و ممتعة جدا الحقيقة استمتعنا جدا بيها و حتى مدة اللعبة كانت لا بأس بها ختمناها غالبا فى 5 ساعات و دي مدة كويسة جدا لانها لو كانت زادت عن كدة فنعتقد انها كانت هتبقى مملة لكن هي ممتعة و لم تصيبنا بأي ملل و حتى مفيهاش اى تكرارية فى الالغاز .

قصة لعبة Unravel Two :

اما عن القصة فهي مش مفهومة عاوزة تقدم ايه بس ليها دور مهمة و القصة فيها لحظات كتيرة مؤثرة و اللي بتتعاطف مع شخصيتها اللي مكنش ليهم اى دور و لا حتى نص فالمطور قالك خمن القصة بنفسك و خمن احداثها و ايه اللي بيجرى حواليك و طبعا زي الجزء الاول فهي بتقدم مشاعر و لحظات درامية و انك بتشوف وبتبحث ذكريات و بتلمها و بتحطها صور على الحوائط و طبعاً هتتعاطف مع يارني و رحلته القاسية المأساوية .

جرافيك و رسوميات لعبة Unravel Two :

رسوميات اللعبة هادية و جميلة اهتمام رائع بتفاصيل البيئات و اللعبة قدمت توجه فني ممتاز الخلفية و الالوان و تنوع البيئات اللي كان حاجة ابداعية عالم اللعبة ساحر و مليئ بالابداع المناظر فى اللعبة تحفة فنية و البيئات و جمالها و المؤثرات و الانيميشن فهي تحفة فنية بالفعل و حركة الكاميرا و اسلوب و طريقة عرض المجسمات كان ابداع .

مراجعة لعبة Unravel Two
مراجعة لعبة Unravel Two

الاصوات فى لعبة Unravel Two :

اما بالنسبة للاصوات فاللعبة هتاخدك لعالم تاني من جمال الـ Soundtrack و اللي كان بيختلف و بيتغير حسب الموقف ، و المؤثرات الصوتية ممتازة اضافت لمسة مميزة لعالم اللعبة .

تقييم لعبة Unravel Two :

تم نزول لعبة Unravel Two
تم نزول لعبة Unravel Two

Unravel Two لعبة بسيطة مفيهاش اى تعقيد خالص و تناسب جميع الاذواق و جميع الاعمار فممكن تلعبها مع اخ او صديق و اللعبة فيها تحدي ممتاز و ممتع بس مع الاسف غياب Online Co-op احبطنا شوية خصوصاً ان احنا في 2018 اللي هو لازم تقدم اونلاين فهي لعبة ممتازة ، و لكن لو كانت قدمت اونلاين كانت هتكون ممتعة اكتر فنتمنى ان الاستديو يهتم بآراء اللعبين و يقدم اونلاين فى المستقبل ، Unravel Two تجربة ممتازة فهي قدمت رسومات و موسيقى و الغاز و ليفيل ديزاين كلهم اتحطوا مع بعض بطريقة رائعة و في نهاية اللعبة المطور اتكلم عن الصعوبات اللي واجهته فى عملية تطوير اللعبة ، و في المجمل اللعبة قدمت سعر مقبول و متعة لا توصف انصحكم تلعبوها او تنتظروا خصم ، و تقييمنا للعبة Unravel Two هو 8.0 من 10 .

بنشكركم على المتابعة و نتمنى انكم تتركوا تعليقاتكم حول تجربتكم للعبة .

اترك تعليق

يرجي التسجيل لترك تعليقك

شكرا للتعليق