مراجعة وقصة لعبة Vampyr على الكمبيوتر و الأكس بوكس و بلاي ستيشن 4

مراجعة لعبة vampyr
0

استديو Dontnod المشهور دايما بألعابه اللي بتعتمد بشكل اساسي على القصة زي Life is a strange و لعبة Vampyr هي المشروع الاكبر ، خليكوا معانا هنا فى جوال أبس علشان تعرف اكتر عن لعبة Vampyr .

 قصة لعبة Vampyr :

في عام 1918 الدكتور جينسين ريد المشهور بأعماله عن نقل الدم ، أثناء رحلته الي لندن و من غير أى اسباب الدكتور اتحول لـ Vampire و بقى متعطش للدم البشري و البطل هيصحى من الموت هيلاقي نفسه فى مقبرة نسي كل شئ حصله و عن سبب تحوله لفامبير و بيبدأ يبحث و يفهم ايه اللغز الغامض دا و مين حوله و ليه ، و اللعبة بتتكلم عن مرض كان موجود فى الوقت دا بالفعل مرض كان انفلونزا و لكن فى اللعبة المرض دا سبب عدوى للناس و اتحولوا لمصاصين دماء .

مراجعة لعبة vampyr
مراجعة لعبة vampyr

قصة اللعبة غامضة و هي مقبولة الي حدا ما ، لكن سرد احداث القصة بطئ جدا و اللي ممكن يصيب اللاعب بملل ، لان اللعبة كلها مفيهاش و لا شخصية جيدة كل الشخصيات كان سيئة و محدودة بما فيهم البطل اللي هو نفسه مش عارف هو عاوز ايه و مستوى الكتابة و الحوار كان ركيك و بالفعل اصابنا بملل شديد فأحداث اللعبة ببساطة مملة ، فالمطور عنده فكرة ممتازة لكن مستغلش الفكرة دي خالص بل قدم قصة خالية من اى تفاصيل و سردها و تطورها بطيئين للغاية .

القصة أبتدت انها تحلى فى نهاية شابتر 3 يعني فى نص اللعبة تقريباً و بعدها القصة بدأت تتحسن و تغيرت بنسبة كبيرة و اتحولت من قصة مملة و قصة فيها اثارة ، و بصراحة اللعبة كلها اتحولت للعبة مقبولة .

أسلوب اللعب فى لعبة Vampyr :

 مراجعة لعبة Vampyr – هي لعبة متفاوتة او عبارة عن جزئيتين الجزئية الاولى من اللعبة او 4 ساعات كانت سيئة و الجزئية التانية كانت ممتازة ، و لحظات كتيرة فى اول اللعبة كنا هنمسحها ، لكن لما ادينا فرصة و كلنا لحد شابتر 4 لقينا ان فيها مفاجأت جميلة و اللعبة بقت ممتعة فإيه السبب فى البداية البطيئة دي .

قصة لعبة Vampyr كانت ممتازة و كتابة الفكرة كانت جيدة لكن تنفيذها فكان سئ الي حدا ما ، اللعبة عانت من افكار قليلة و اللعبة كـ Gameplay فهي ضعيفة و كانت محتاجة تطور من افكارها اللي خلتنا فى لحظات كتيرة منقدرش نكمل اللعبة و دا لاسباب كتيرة اهمها ان اللعبة مش متناسقة خالص و دا اثر عليها بالسلب.

قصة لعبة vampyr
قصة لعبة vampyr

بس الاول هنتكلم عن نظام Combat اللي برضه كان سبب من ضمن الاسباب ، نظام الكومبات متأثر جدا بلعبة Dark Souls خصوصاً بسبب اجوائها اللي كانت بتفكرنا بدارك سولز و اللي مش شايفين اي سبب لتقديم نظام كومبات بيعتمد على Stamina و اللي اصلا المفروض بنلعب بشخص خارق المفروض انه معندوش اي Stamina  وممكن يضرب 1000 ضربة في ثواني من غير ما يتعب ، الكومبات بيعتمد على المهارات اللي بتطور ها و الاسلحة زي الفاس و السكين و السيف و المسدس و الاسلحة و عندك عداد الصحة و عداد الدم .

المطور حط ليك انك تقدر تتغذى على دم الاعداء و الفئران و دا شئ عادي مش بيأثر على اللاعب ، و عداد الدم بيلعب دور كبير فى القدرات و اللي قدمت قدرات الفامبير بطريقة مميزة و هتفيدك فى القتال ، و تقدر تطور من الشخصية و قدراتك و الدم.

vampyr Gameplay
vampyr Gameplay

و كمان تقدر تطور من اسلحتك ، Boss Fight كأنك بتلعب Souls Game بسبب تفادي الضربات و عداد الصحة و حتى بيقدموا نفس الصعوبة بتاعة العاب سولز ، لكن نظام الكومبات هتشوف ان ممل و سئ و خاصة لو الشخصية بتاعتك ضعيفة و بكدة الاعداء هتكون اقوى منك بكتير و هتشوف انه ممتاز لو شخصيتك قوية ، اما معارك البوس فايت فكان اكتر شئ ممتاز هو نظام الكومبات .

صعوبة Vampyr تكمن فى حاجتين عايز اللعبة تكون فيها تحدي و صعبة لدرجة انها تكون غير عادلة يبقى متموتش اى حد من المواطنين ، و بكدة اللعبة هتكون صعبة لدرجة الجنون ، و الـ Bosses هيفرموك ، اما لو عاوز التجربة تكون سهلة فإقتل اي حد من المواطنين و اشرب دمهم عادي و في المقابل اللعبة هتكون سهلة بسبب انك هتستخدم دمهم دا و تطور بيه شخصية البطل و هتبقى قوية .

اللعبة هي لعبة RPG فيها اختيارات و محادثة و قراراتك في اللعبة مؤثرة على عالم اللعبة ، القرارات بالرغم من انها كانت قليلة لكن كانت متقدمة بشكل جيد جداً و كان معظمها عن تسامح او تقتل او تحول فامبير و دا كان افضل شئ في اللعبة انك تختار انك تقتل حد او تحوله فامبير او تسيبه يعيش يفضل السؤال ايه العواقب اللي هتنولها و طبعا هيأثر على المنطقة و هيخلي الاعداء و الصيادين ينتشروا اكتر فى المناطق.

فاللعبة بتخيرك الشخص دا عاوز تقتله ولا تسامحه و لا تحوله لفامبير كل قرار له عواقب مع العلم ان في ناس ممكن تحولها فامبير و ناس تانية لو حولتها لفامبير فهتتعاقب و هتقتل لك كل المواطنين ، و بكدة المنطقة دي هتبقى مليانة صيادين و اعداء ، و اللعبة هتقدم ليك قائمة بتوريك المواطنين اللي في المنطقة و الحال الصحية بتاعتهم في المنطقة و طبعا كل ما سائت الحالة كل ما الاعداء انتشرت اكتر فهنا يجي دور اللاعب اما يعالج الناس و يرفع من مستوى صحة المنطقة او يقتل و يتغذى على المواطنيين اللي فيها او ميعالجش حد و المدينة تدمر بالكامل و طبعا كل قرار له تأثير على عالم اللعبة.

 جيم بلاي لعبة vampyr
جيم بلاي لعبة vampyr

و طبعا اثناء تقدمك في اللعبة بتواجه القرار الاهم و هو كبير المدينة قرارك معاه هيكون عامل ازاي ، القرارت دي كانت اعظم شئ تم تقديمه فى اللعبة فدا اللي بيأثر على البطل و النهايات هي هتتغذى على دماء البشر و لا لا و دي كانت حاجة كويسة و سيئة فى نفس الوقت لان صعوبة اللعبة بتعتمد بشكل اساسي على انك تتغذى على دماء البشر لان بالطريقة دي هتطور شخصيتك اسرع و ترفع الليفل اسرع و اللعبة بتعتمد بشكل اساسي على الليفل.

يعني فى لحظات فى اللعبة هتكون صعبة للغاية و فرق الليفل بينك وبين الاعداء بيبقى عالي ، لو بتعلبها علشان تتغذى على دم الاعداء فقط فهنا اللعبة هتديك نقط خبرة قليلة و هتطور شخصيتك بشكل بطئ ، فالحل الاخر هو انك تتغذى على دماء البشر و بكدة هتاخد نقط خبرة كتيرة و تطور الشخصية اسرع ، بس في المقابل هتخسر حاجات تانية و هي ان الاعداء هتنتشر بشكل كبير فى المناطق و مهمات جانبية كتيرة بسبب قتلك للمواطنين دول و هتطلع لك نهاية مختلفة طبعا.

جرافيك لعبة vampyr
جرافيك لعبة vampyr

فاللعبة مش متناسقة خالص و غير عادلة بالمرة يعني الصعوبة اتربطت بالنهاية و اتربطت بمصير البطل ، لانك لو قتلت حد من المواطنين فاللعبة هتديك نهاية مختلفة عن النهاية السعيدة و طبعا المهمات الجانبية اللي قدمت افكار جيدة فبرضه كانت بتعاني من الموضوع دا لان فيها اعداء قوية بتواجه البطل اللي الليفل بتاعه ضعيف حتى النقاط اللي بتاخدها من المهمات الجانبية فهي نقاط قليلة فإذاً اللعبة مش متناسقة او غير عادلة .

احنا معندناش اي مشكلة ان اللعبة تقدم تحدي زي كدة و التحدي اللي قدمته دا ممكن يكون عادل الي حدا ما و هو لو انت عاوز تتحكم فى عطشك فإستحمل ، لكن اللي مكنش عادل هو ان اللعبة كانت المفروض تبدأ بطريقة سهلة علشان تتفهم بعدها صعب زي ما انت عاوز ، لكن اللي حصل معانا هو العكس ، فى البداية كانت صعبة لدرجة الجنون و بعدها بدات ان صعوبتها تقل و دا بسبب مع تقدمنا فى اللعبة الليفل بتاعنا بيترفع و بقى قريب من ليفل الاعداء فالصعوبة قلت شوية ، لكن فى الاول احنا كنا ليفل 15 و الاعداء كانوا 27 فطبيعي اللعبة هتكون صعبة فى البداية و دا بصراحة كان شئ غير عادل بالمرة .

و اللعبة استمرت الي حدا ما و هي صعبة يعني احنا ختمناها بليفيل 28 او 29 اعتقد و مع ذلك كنا بنلاقي اعداء بليفل 35 و مش عدو ولا اتنين لا دول كانوا حوالي 4 او 5 كل واحد فيهم بليفل 35 ، فالمشكلة انك بتلاقي اعداء كتيرة فى وقت واحد و ساعات بيكون في بوس فايت و بيبقى اتنين مش واحد و بليفل اعلى منك بكتير ، فالحل اما انك تطور الشخصية بطريقة بطيئة و تستحمل المعاناه او تطورها بشكل سريع و لكن هتكون الشخص الشرير و هتكون السبب فى انتشار الاعداء .

اللعبة بتقدم عالم واسع و بتسمح لك بالتجول بحرية لكن هي مش لعبة عالم مفتوح بالكامل و ترابط عالم اللعبة ببعضه كان أشبه بألعاب Souls ، وبتقدم مهمات جانبية او شخصيات ثانوية كالمواطنين كان ليهم دور جيد ، فالمواطنين دول تقدر تتغذى على دمهم لكن لو عملت كدة فهيحصل عواقب بسبب ارتباط الشخصيات الثانوية ببعضها ، فلو قتلت اي حد منهم فدا هيأثر عليك بطريقة ما و دا بصراحة كان فضل شئ تم تقديمه فى اللعبة ان كل شخصية كان ليها اسم و قصة و دوافع و تم تصميمها بطريقة مميزة فترابط الشخصيات الثانوية ببعضها كان حاجة مميزة .

Vampyr pc
Vampyr pc

كل الشخصيات الثانوية كانت بتترابط بطريقة ما بشخصية اخرى و ممكن تستغل العلاقة مع الشخصية دي و تعرف تفاصيل عنها و تكشف اسرارهم و دا هيزود من الدم كل ما يزيد اكتر كل ما البطل هياخد نقاط خبرة اكتر ، و دا طبعا هيودينا للنقطة الاساسية ان اللعبة بتديك الاختيار الاكبر و الاهم و هو انك تشرب دمهم  لتطوير شخصية البطل و يكون قوي ، احنا مقتلناش اي حد من المواطنين بل بالعكس كنا بنعالج الناس و اللعبة كانت صعبة جدا بالنسبة لينا لكن كان تحدي ممتاز .

و بصراحة اه اللعبة بقت ممتعة شوية وخصوصا فى الاواخر بقت لعبة رائعة و الملل اللي كان فى الاول كله راح ، بس طبعا كان فى اخطاء تقنية بسيطة و مشاكل Loading Screen اللي كان طويل الي حدا ما ، و اه متنا كتير في اللعبة لكن فى النهاية خلصناها كلها و متقتلناش اي حد من المواطنين حتى الناس اللي كانت تستحق الموت فبرضه مقتالناهمش .

Vampyr فيها افكار ممتازة لكن البداية اللي خلتني اكرها جدا و لما ادينا ليها فرصة و فهمنا ايه اللعبة اللي عاوزة تقدمه لقينا ان فيها فكرة و عالمها جميل للغاية ، اجمل حاجة كانت فى اللعبة هي ادرتك للمناطق .

جرافيك و رسومات لعبة Vampyr :

رسومات اللعبة فهي عادية و مش بنفس الطريقة اللي اتسوق لها و من الواضح ان اللعبة اتعمل لها Down grid بشع ، و اللعبة واضح ان رسومات متواضعة لكن المميزة فى رسومات اللعبة ان عالم اللعبة متصمم بشكل ممتاز و على صعيد الاجواء فاللعبة ممتازة ، عالم لندن فهو سودوي و مظلم و فى نفس الوقت متصمم بطريقة جميلة فالاجواء بالفعل ممتازة و تصميم المدن و البيئات ممتاز و كانت بتفكرنا بألعاب زي Black Born و Dishonored الاضاءة الليلية و المصابحين و انعكاستها ادت احساس هادي و رائع.

Vampyr ps4
Vampyr ps4

لكن بالنسبة للشخصيات فاللعبة عانت من تعادلات وشوش الشخصيات و اللي كانت معمولة بشكل تلقائي لجميع الشخصيات بما فيهم البطل خالية من اي حركة وشوش و ملامح و تعبيرات و Animation كان سئ و العيون كان فيها حول حتى العروض السينمائية كانت معمولة بجودة ضعيفة اكيد دا كان بسبب ان الاستديو كان مستقل فكان عاوز يركز على جوانب اخرى و اهمل الجانب التقني .

أصوات لعبة Vampyr :

اما بالنسبة للاصوات فالساوند تراك كان عظيم و متناسب جدا مع عالم اللعبة المؤثرات الصوتية ممتازة بلا شك و خدمت اجواء اللعبة بشكل ممتاز اما الاداء الصوتي للشخصيات فكان مقبول الي حدا ما .

تقييم لعبة Vampyr :

لعبة Vampyr كانت فيها تفاصيل كتير كانت ممتازة لكن اهملت جوانب اخرى خلت اللعبة تكون غير عادلة و ممكن كمان نقول مملة ، لكن اللعبة اه ممتعة و فيها افكار كتيرة ممتازة و لو بتحب ألعاب Vampire فهي هتكون افضل اختيار ، لكن المشكلة اللي عانت منها اللعبة هي عدم التناسق و اللي خلت اللعبة تكون مملة و جيدة فى نفس الوقت ، احنا طبعاً بننصحكم انكم تلعبوها بالرغم من البداية اللي كانت مملة كل دا بسبب حاجة و احدة فقط و هي المناطق و سيطرتك عليها و اللي كان اجمل شئ اتقدم فى اللعبة ، و تقييمنا للعبة هو 7.0 من 10 .

بنشكرك على المتابعة و نتمنى انكم تسيبوا لينا رأيكم فى التعليقات عن لعبة Vampyr و ايه اكتر حاجة عجبتكم فيها و ايه اللي مش عجبكم ايضاً .

اترك تعليق

يرجي التسجيل لترك تعليقك

شكرا للتعليق