اسباب توقف سلسلة Prince of Persia ؟

اسباب توقف سلسلة Prince of Persia
0

اسباب توقف سلسلة Prince of Persia – تعالو نتعرف على اهم الاسباب لتوقف السلسلة العظيمة Prince Of Persia و اللي هنتكلم عنها بالتفصيل هنا فى جوال أبس .

يوبي سوفت شركة ضخمة فعندهم حاولي 41 ستديو اهم الاستديوهات هو استديو مونتريال تعداد الموظفين فى الشركة حوالي 12 الف موظف ، فتخيل 12 ألف ازاي مش عارفين يتشغلوا على Prince Of Persia لكن المشكلة مش فى الموظفين و لا في الشركة المشكلة فى اللاعبيين لازم نتفق ان يوبي سوفت متقدرش تقدم لعبتين بفكرة واحدة و نقصد هنا اساسين كريد و برنس اوف بيرشيا .

Assassin’s Creed هي لعبة عالم مفتوح المشهور و Prince Of Persia هي لعبة بيئة خطية ، و طبعا لو Prince Of Persia اتحولت للعبة عالم مفتوح فهي كدة بقت اساسنز كريد و اللي الشركة استحالة تقدم لعبتين بفكرة واحدة يبقى الحل الوحيد هو ان Prince Of Persia تكون ببيئة خطية زي الاجزاء القديمة اللي نزلت على الجيل السادس زي مثلا اجزاء the sand of time و Warrior Within و the two thrones اعظم 3 اجزاء من السلسلة الحل الوحيد علشان يتم إحياء اللعبة هو عمل remake ليها او حتى نسخة remaster للمجموعة كلها بصيغة الـ HD مثلا ، بس مع الاسف شركة يو بي سوفت كسولة شوية في انها تعمل Remaster للالعاب بتاعتها .

لكن تطوير جزء جديد مبني من الصفر و بإتباع تجربة و بيبئة خطية هيكون فشل زريع للعبة ، و اتكلمنا قبل كدة ان الالعاب الخطية مبيعتها فى تنازل لا يوبي سوفت و لا المطورين يتعبوا نفسهم بتقديم لعبة خطية مع تنويع ممتاز للبيئات مع جيم بلاي متنوع بقصة لازم تبقى جامدة .

طيب ما هما عندهم اساسنز كريد بمعالم مفتوح و واسع و بعناصر RPG و بمهمات جانبية و عالم مفتوح و عيش واستكشف براحتك فأنا بقدملك ساعات لعب فوق الـ 40 ساعة و بأقل سعر 60 دولار و لو قدم لعبة Prince Of Persia ببيئة خطية يادوب تلعب 10 ساعات و خلاص خلصت و هتدفع 60 دولار برضه ، فليه شركة يو بي سوفت يتقيدوا بامور الالعاب الخطية و اللي مش هتبيع فى النهاية بسبب اتجاهم الخطي و سعرها العالي و ساعات لعبها القليلة .

لعبة Prince Of Persia كانت بتعمل مبيعات كويس الي حدا ما في 2003 لما اول جزء نزل على كونسول و هنا نقصد بعد جزء 3d اللي نزل فى عام 1999 ، فا جزء the sand of time لما نزل على الجيل السادس فعمل مبيعات ممتاز فباع 2 مليون نسخة فى خلال شهرين و بعد نزولها بحوالي 6 شهور فالمبياعات وصلت الي حوالي 2 مليون و نص نسخة ، بعد كدة الشركة اعلنت عن Warrior Within اللي قدم تجربة مليئة بالدماء و بأجواء مظلمة و الجزء التالت The two thrones فالسلسلة كانت بتعمل مبيعات الي حدا ما لان يوبي سوفت كانوا متوقعين تبيع اكتر .

انقاذ لعبة Prince Of Persia :

فالبنسبة لـ Prince Of Persia ازاي يتم انقاذها احنا من عشاق اللعبة بس لازم نرضى بالامر الواقع دا حتى الجزء الاخير اللي نزل في 2010 the forgotten Sands كان بمثابة ان الشركة بتدي فرصة اخيرة للعبة و بتقولنا ودعوا السلسلة لانكم مش هتشوفوها تاني و الجزء دا كان مش بقوة الاجزاء اللي فاتت و حتى محققش مبيعات بقوة الثلاثية ، لذا انسوا سلسلة Prince Of Persia يوبي سوفت من المستحيل تقدم لعبة خطية حتى لو تلاحظوا ان يوبي سوفت بقت بتهتم اكتر بالاونلاين .

فهما دلوقتي عندهما لعبة بتاعة حرب السفن و The Crew 2 و the Division 2 و كلهم العاب اون لاين و قبلهم كان في For Honor و Ghost Recon يعني 5 العاب اون لاين مقابل لعبتين قصة Far Cry 5 و Assassins Creed Origins ، فإهتمام الشركة فى الفترة دي بألعاب الاون لاين و دا كمان شئ مقلق ان العاب القصة يقل اهتمامها عند يوبي سوفت اللي كانوا اكبر داعمين للالعاب القصصية .

اذا كان العاب عالم مفتوح و قصصية فا يوبي سوفت مبقتش تقدمها زي زمان فحال الالعاب الخطية ازاي فإنسوا Prince Of Persia ، و الحل الوحيد علشان نشوفها اما بجزء للهواتف الذكية او جزء Remaster للمجموعة كلها .

اشاعات رجوع لعبة Splinter Cell :

دلوقتي فى اشاعات عن رجوع سلسلة Splinter Cell و طبعا لو الاشاعة صحيح نتوقع بشكل كبير ان الجزء دا يكون Reboot و ممكن مع بطل جديد و في بيئة عالم مفتوح طبعا ، و السبب احنا قولناه هو ان الالعاب الخطية العابها بتقل و يوبي سوفت مش هتعمل العاب الا بعالم مفتوح في ساعات لعب طويلة اللاعب محتاجة و مش محتاج لعبة بتخلص في 10 ساعات و ان اللاعبيين لما بيقرروا يدفعوا 60 دولار فى لعبة عالم مفتوح تقعد معاهم حوالي 50 ساعة .

لذا لعبة Splinter Cell هتكون مع بطل جديد و في بيئة عالم مفتوح ، زي ما الشركة العلنت في معرض E3 اللي فات عن لعبة Beyond Good and Evil 2 اللي برضه هتكون لعبة عالم مفتوح ، بس المشكلة هنا ان اللعبة هتكون تجربة جديدة من يوبي سوفت بحيث انها مش شبه اساسنز كريد و لا اي لعبة تانية ، لذلك المشكلة اللي بتمنع يوبي سوفت من تطوير جزء جديد من Prince Of Persia ببيئة عالم مفتوح هو التشابه بينها و بين اساسنز كريد .

بنشكركم على المتابعة و بنتمنى انكم تتركوا ارائكم فى التعليقات عن ان هل يوبي سوفت ممكن تعيد تطوير اللعبة ولا مش هتعمل كدة .

اترك تعليق

يرجي التسجيل لترك تعليقك

شكرا للتعليق